Josu Landaluze alkateordeak gerora emango diren urratsak horrela azaldu ditu: "bi aldeek erabakiko dute epe horretan hobekuntza behar duten puntuak. Udaleko Lan Sailak lan ona burutu du bigarren mailako sarearen kudeaketan eta bere egoera ona da”. Beharrezkoak diren ordezkatze edota egokitze lanak bost urtetako epean egingo dira, gehienez.
Lan Saileko beharginak ziren orain arte bigarren mailako sareaz arduratzen zirenak. Behargin horiek Lan Sailak dituen beste ardura batzuetara pasako dira orain. Horretarako beharrezkoa den trebakuntza egingo dute.
Sopelako Udala Bizkaiko Ur Partzuergoko Udal Sareak bigarren mailako ur sareen ekintza planarekin bat egin berri du, urriaren 29ko Osoko Bilkuran onartu zenez. Ondorioz, Udal Sareak kudeatuko du ur edangarriaren banaketa eta bigarren mailako sareko hoditeriaren mantenuaz arduratuko da. Imanol Garai Sopelako alkatearen aburuz, “hitzarmenarekin bat egiteak zerbitzuaren hobetzea suposatuko du eta dirua aurreztuko da gainera. Ur galeren egoera erregulatuko da eta ondoko udaletako mugako zonaldeen egoera argituko da”. Hitzarmena sinatu ostean, Udal Sareetako langileek eta Sopelako Udaleko Lan Saileko beharginek bigarren mailako sarearen egoera aztertuko dute bi hileko epean. Argazkian, Imanol Garai alkatea Udalbatzan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun