Aurreikuspen horren aurrean, Herrizaingo Sailak arreta izateko eskatu die herritarrei eta ondorengo gomendioak luzatu dizkie:
- Ez erabili edonolako itsasontzirik eta hauek ongi lotuta daudela ziurtatu.
- Ez praktikatu uretako kirol edo ekintzarik.
- Ez paseatu kostaldetik eta ez hurreratu itsas pasealekuetara, kai-muturretara edota itsaslabarretara; itsasoaren indarrak uretara bota zaitzake.
- Autoz ibiltzekotan, kontu handia izan eta ez hartu itsasotik hurbil dauden errepideak.
- Edozein larrialdiren aurrean deitu 112 telefono zenbakira.
Asteazken eta ostegunean olatu indartsuak izateko arriskuaz ohartarazi du Eusko Jaurlaritzaren Herrizaingo Sailak. Bi egunotan itsaski handia edo oso handia eragingo duten 5 eta 7 metro arteko olatuak eta marea biziak izan daitezke. Gauzak horrela, arreta handiz ibiltzea eskatu diete herritarrei eta, batez ere, itsasoan edota kostaldean aisialdi ekintzarik ez egitea. Atzo bezala, alerta horian mantenduko du arrisku maila Euskalmetek (Euskal Metereologia Zerbitzua), itsaski handia eman daitekeelako, 3,5 eta 5 metro bitarteko olatuekin. Bihartik aurrera, alerta laranja ezartzea espero da. SOS Deiak 112ren bidez, alerta egoeraren berri eman die larrialdi zerbitzu guztiei eta EAEko zerbitzu publikoko enpresa orori Herrizaingo Sailak, beharrezko neurriak garaiz har ditzaten ziurtatzeko. Argazkian, urtarrilaren 24an hainbat itsasontzi hondoratu zituen zikloi batek.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun