Barrikako Udalak 2 eta 5 urte bitarteko umeei zuzendutako haur ludoteka antolatu du larunbat honetarako, azaroak 7. Ludoteka 11:00etatik 14:00etara egongo da zabalik, udaletxean. Bitartean, aurrera doa Barrikako udal liburutegiak abian jarritako ekintza ludikoak biltzen dituen programa. Azaroaren 12an egingo da idazketa tailerra, 6 eta 12 urte bitarteko neska-mutilentzat. Txiki-zooa, berriz, 3 eta 5 urte arteko haurrei zuzenduta dago eta hilaren 26an jarriko da martxan. Azkenik, abenduaren 10ean, txotxongilo tailerra egingo dute, 6 eta 12 urte arteko umeentzat. Jarduera guztiak arratsaldeko 18:30etik 19:30era izango dira. Parte hartu nahi duten neska-mutilek aurretik izena eman behar dute dagokion ekintzarako, liburutegian edota ondoko telefono zenbakian: 946 775 163. Argazkian, urriaren 15ean ipuin kontaketa saioa egin zuten Barrikako liburutegian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun