Ostiral honetan, azaroak 6, urteotan buruan izan duten proiektua egi bihurtuko dute Sopelako Plaza Beltza kultur elkarteko kideek. Egun horretan inauguratuko dute horrenbeste lan eta izerdiz erditutako herri liburutegia, Larrabasterrako Akilino Arriola kalean, Nagusien Etxearen aurrean. Arratsaldeko zazpietan izango dute herritarrek bertan batzeko aukera eta, liburu, aldizkari, fanzine, filmak eta abar ikuskatzeaz gain, pintxoak dastatu ahal izango dituzte bildutakoek. Kultur elkartea ezagutzera emateko asmoz, 2006ko abenduaren 23an egin zuen lehendabiziko ekimena Plaza Beltzak. Egun horretako bigarren eskuko liburu azokatxoaren bitartez, argi utzi zuten "kultura plazaratzeko" jaiotako taldea dela; ideiak zabaltzeko”, alegia. Dagoeneko bazeukaten buruan herri liburutegi bat sortzea, “irakurzaletasuna bultzatzea” baita Plaza Beltzaren kezketako bat. Bada, ametsa egi bihurtuta, gai politiko-sozialen inguruko liburu eta pelikulak topatzerik badago bertan. Argazkian, Plaza Beltzak egindako bigarren eskuko liburu azokatxoaren lehenengo edizioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun