Asiako argazkilaritzari buruzko hitzaldiak izango dira bihar eta etzi Leioako campusean
Asteazken honetan, azaroak 4, Asiako argazkilaritzari buruzko hitzaldi zikloa abiatuko dute, EHUko Leioa eta Erandioko campuseko Arte Ederren Fakultateko gradu-aretoan. Bihar bertan, "Ficciones asiaticas" izenburuko solasaldia eskainiko du Txina, Japonia, Taiwan eta Hego Koreako autoreen lanak ederki ezagutzen dituen Alejandro Castellote Getxophotoko komisarioak, 10:00etatik aurrera. Ordu eta erdi beranduago, 11:30ean, Castellotek berak eta Susana Iturrioz "Zhu Yi!" erakusketaren komisarioak emango dute "Conversacion" izeneko hitzaldia. Eguneko egitarauarekin bukatzeko, 12:30ean, Laurita Siles eta Edurne Gonzalezek hartuko dute hitza. Artistikoki, “La dinastia Trini” bezala eman da ezagutzera bikotea eta 2009an Pekinen ekoizpen artistiko bat egin dute, EHUko iturriek zehaztu dutenez. Argazkian, orain gutxi Getxo udalerriko kaleak hartu zituen Castellotek zuzendutako Getxophoto erakusketak.
Azkenik, ostegunean, hilak 5, "Fotografia china actual" lelopeko hitzaldia eskainiko du Susana Iturriozek. Arestian aipatu bezala, "Zhu Yi!" erakusketaren komisarioa da bera. Erakusketa hori Gasteizko Artium museoan egin zen eta Mao Zedong Txinako gidari ospetsuaren ondorengo Txinari buruz jardun zuen. Hitzaldietara sartzea dohainik da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun