Epaile batek 28 eguneko komunitate-lan zigorra ezarri ei dio atzo Algortan atxilotutako ustezko erasotzaileari. Gutxienez, horrela zabaldu du gaur "El Correo Español"-ek. Hedabide horren arabera, atzo bikotekidea kolpatu zuelakoan Getxoko udaltzainek atxilotu zuten 41 urteko V.C. gizonari egun berean epaiketa azkarra egin eta 28 eguneko komunitate-lanak egitea eta lau hilabeteko urruntze agindua ezarri zizkion epaileren batek. Alta, hedabideak ez du zehazten zein epaitegian hartu zuten auzia, ezta aipatu datuak zein iturrik eman dituen. V.C. atzo goizaldeko ordu batak aldera Getxoko Udaltzaingoak, genero indarkeria delitua egotzita. Igandean ere gazte bat atxilotu zuten Ertzaintzak eta Getxoko Udaltzaingoak, neska lagun ohia jipoitzea egotzita. Argazkian, emakumeen aurkako indarkeria salatzeko elkarretaratzea Algortan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun