Jagolerik ez izateak askoz arazo gehiago sortzen ditu SATSEren arabera. Sindikatuak azaldu duenez, "gaixoren bat gauez hiltzen bada, ez dago langilerik hori tanatoriora eraman ahal izateko. Hortaz, gelan utzi behar izaten dute, bertan beste paziente bat egon arren". Osasun zentroko farmaziari dagokionez, "15:00etatik itxita" egoten dela kritikatu dute: "gaixoren bat botika behar badu, paziente guztiak bertan behera utzita, erizainak berak joan behar izaten du farmaziaraino", azaldu dutenez. Lehenengo solairuan dago hori. Bestalde, "larrialdi zerbitzurik ez" dauka Gorlizko ospitaleak. "Lehenengo solairuko erizainak aurre egin behar izaten die larrialdiei", salatu du SATSEk.
"Egoera penagarria"
Egoera "penagarri" horren aurrean, "komunikabideetan itxurak egiteari utzi eta gaur egun zentroak dituen azpiegitura arazo larriak konpontzen hastea" eskatu dio Gorlizko ospitaleko zuzendaritzari Euskadiko Erizainen Sindikatuak. Langileen ordezkarien hitzetan, "profesionalengan ez ezik, gaixoen artean ere zabaltzen ari da ezinegona". Gauzak horrela, ospitalizazio solairuetan "berehala" bigarren erizaindegi bat jartzea eta "ematen ari diren laguntzaile, jagole, segurtasun zaindari, mantenu-langile, garbitzaile eta gainbegiratzaile gabeziak zuzentzea" exijitu du SATSEk.
Gorlizko ospitalean “azpiegitura eta giza zein material baliabide arazo larriak” ematen ari direla salatu du gaur SATSE Euskadiko Erizainen Sindikatuak. Gauzak horrela, horiek konpontzeko exijitu diote osasun zentroko zuzendaritzari, “profesionalek arriskurik gabe lan egin eta gaixoek merezi duten arreta izan dezaten”. Txanda bakoitzeko erizain gehiago jar ditzatela eskatu du SATSEk, prentsara bidalitako oharrean. Adierazi dutenez, egun, Erizaintza bost unitate baino ez dago ospitalean, solairuka banatuta. Zaintza aringarrietako unitatean eta barne medikuntzan izan ezik, arratsaldez eta gauez erizain bana baino ez dago horietako bakoitzean, gaineratu dutenez. “Erizain bakoitzak 30 eta 35 paziente artean du bere kargura eta, hortaz, lana pilatzen zaio etengabe, gaixo guztiak ezin dituelako artatu”, salatu du langile erakundeak. Horretaz gain, gaueko txandan, “jagole, mantenu-langile eta garbitzailerik ere ez” dagoela aipatu du SATSEk. “Hori dela eta, lan gainkarga handiagoa izaten du erizainak, lan horiek ere egin behar dituelako”, kritikatu dutenez. Argazkian, Gorlizko ospitalea / cc-by-sa Wikimedia Commons.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun