Euskalmeten iragarpenetan oinarrituz, Bizkaia eta Gipuzkoako kostalderako alerta egoera laranjatik gorrira aldatu du Herrizaingo Sailak astelehenera arte Izan ere Meteorologia zerbitzu autonomikoak itsasoak gora egitea, zazpi metrotako olatuak eta itsaski arriskutsuak iragarri ditu gaur arratsalderako. Egoera hori bihar errepikatuko da Euskalmeten arabera. Era berean, euriak eta haizeak gogorrago joko dute gaur eta bihar eta hori dela eta alerta egoera horitik laranjara aldatu du Herrizaingo Sailak, kostaldetik kanpoko eremuetan. Euriteen iragarpenen aurrean, estolderia sareak berrikusi eta hosto eta adar bezalako objektuz garbitzea gomendatu dute, bideetatik uraren ibilbidea arintzeko. Era berean, Euskalmetek eta Larrialdietarako Arreta eta Babes Zibila Zuzendaritzak gertaera meteorologikoen segimendua egiten dihardutela gogoratu du Herrizaingo Sailak. Erakunde horiek biztanlegoari aurre babes neurrien gaineko informazioa eman eta gertaera meteorologikoei zelan aurre egin zabalduko dute. Argazkian, hainbat itsasontzi Arriluzeko kaian.
Olatu handien aurrean, Sos Deiak larrialdietarako zerbitzuak atzo egindako gomendioak gogoratu ditu: itsasontzi eta bestelako txalupetan itsasora ez ateratzea eta kaian ondo lotuta daudela berriskustea, kostaldean kirolik ez egitea eta urtean ez sartzea; itsasalde, kai-mutur eta itsas labarretatik ez paseatzea; ibilgailuak tentuz erabiltzea eta kostaldeko errepideak ekiditea eta edozein larrialdiaren aurrean Sos Deiak zerbitzuaren 112 telefonora deitzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun