Muriola hondartzako ondare geologikoari buruzko hitzaldia izango da etzidamu Barrikan
Barrikako Goierriko eskola zaharrak “Los acantilados de la Playa de Muriola: una ventana abierta al pasado geologico” izenburuko hitzaldia eta argazki erakusketa hartuko ditu ostiral honetan, azaroak 20, 19:00etan. Udal iturriek azaldu dutenez, azken aldian Muriola hondartzako itsaslabar arrokatsuak aztertzen ibili dira EHUko Geologia ikasleak, Javier Elorza doktorearen gidaritzapean. 2008-2009 ikasturtean, hiru ebaketa desberdin aztertu dituzte, euskal-kantabriar arroko sedimentazio gune sakonari dagokion turbidita geruza karbonatatua, goiz Turoniarrekoa (≈ 93 milioi urte). Turbiditetan (kalkareoak eta margak) burututako Kaltzio karbonatatuaren (lagin bat 2 zentimetroko, 203 lagin) analisietako emaitzak era argian azalduko dira, aipatu hitzaldian. Argazkian, Muriola hondartza ingurua / cc-by-sa Luistxo ta Marije.
Ondokoa ondorioztatu dute ikertzaileek: batetik, kaltzio karbonatatu gehiago dago kalkareoetan margetan baino. Bestalde, kalkarear hondoko edukiak behera egiten du basal gunetik sabaira. Deformazio sakonaren presentzia erakutsiko da falka sinple eta bikoitzen, danda deformatuen, zizaila sainen sistemaren, estolotitoen eta hondo-hondoko irristatze banden bidez. Halaber, Kretazeo Ozeanoko Geruza Gorriei dagokien marga gorrien gertuko lagin anoxikoa erakutsiko da. Azkenik, marga grisetan sakabanatuta dauden eta aztarna fosiletako bario nodulu (bario sulfatoa) txikien jatorriaren berri emango da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun