Lepola auzoan egin daitezkeen etxebizitzen kopurua zergatik "bikoiztu" duten azaltzea eskatu diote Barrikako Udalari bertoko auzotarrek. Barrika Gertuko izeneko elkartea sortu ei zuten irailean 55 familia inguruk, Plentziako errepideko eskuinaldean, taberna-jatetxeetatik zaharren egoitzara doan eremurako dagoen hirigintza egitasmoa salatzeko. Atzoko udal batzarrean baztertutako HAPOren aurrerakinak, bertan, 138 etxebizitza altxatzea aurreikusten zuen, hau da, 0,45 metro koadroko; aurreko arau subsidiarioek metro koadroko 0,20 etxebizitza egin ahal zirela adierazten zuenean. Urriaren 9an izandako ez ohiko osoko bilkuran ere azken hori bikoiztea erabaki omen zuten, bizilagunen arabera. Gauzak horrela, "herria masifikatuko den beldur" dira Lepolako auzotarrak, "inguruko hainbat udalerritan gertatu bezala". Hori dela eta, "HAPOren aurrerakinaren idazketa zerotik hasi" eta, horretarako, "lehiaketa irekia eta parte-hartzailea" abiatzea eskatu dute. Argazkian, nagusien etxe ingurua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun