Getxorantz joateko, Antonio Trueba kaletik Jadora joateko aukera emango dute. Bilborantza, berriz, denbora gehiagoz egongo da berde, gidarientzat, Antonio Trueba kaleko semaforoa, trafikoa arintzeko asmoz. Azkenik, Obieta kaleko norabidea aldatuko dute, Geltoki eta Txinboak artean.
Esparru zabalagoan
Gaur egun, Altzagako metro geltokiaren inguruan egiten ari diren lanak beste lau eremutara zabalduko dira, beste 3.551 metro koadroko azalera hartuta. Hasieran berritutako eremuaren ondoan kokatuta dauden Felix Ortun kaleko eskailerak, Felix Ortun eta Tartanga kalea zein Martiartu eta Santi Brouard plazaren ingurua ere hartuko dituzte obrek. "Eskema antzeko bat eginez, esan dezakegu, Felix Ortuneko harmailadia orain arte bezalatsu geratuko dela, baina Felix Ortun kalea Tartanga kalerantz luzatzeko aukera emanez. Felix Ortun eta Tartanga kaleek oinezkoentzako jatorrizko guneari errematea jartzen diote eraikitako etxe-uhartearekin lotuta, eta Tartanga kaleko bidea osatzen dute. Martiartuk ere eraikitako etxe-uhartearen kontraraino doan jatorrizko espazioari errematea jarri eta aparkalekua berrantolatzen du", azaldu dute udal iturriek. Azkenik, metro geltoki ingurura joateko oinezkoentzako pasabidea txukundu egingo dute, Santi Brouard plaza.
Bihartik aurrera hainbat kale egongo dira moztuta Altzagako metro geltoki inguruan
Altzagako metro geltoki ondoko zabalgunea atontzeko lanak direla eta, ostegun honetatik (azaroak 19) aurrera, Urdaneta, San Inazio, Geltoki eta Tartanga -zati bat- kaleak itxiko zaizkio (begiratu mapa) ibilgailuen trafikoari. "Aurreikuspenen arabera, hilabetez egongo dira moztuta. Hala ere, obrek aurrera egin ahala, zatika zabalduko dituzte, trafikoa arindu ahal izateko", azaldu du Erandioko Udalak. Bitartean, egun oinezko zein ibilgailuentzako bideak diren Jado eta Obieta kaleak trafikoari zabalduko zaizkio eguneko 24 orduetan, autoei lehentasuna emanez, "egoera bere onera etorri artean". Bestalde, Bizkaibuseko geralekuak Legazpi eta Berreteretxe kaleetara aldatuko dituzte. Argazkian, Altzagako metro ingurua, obretan / © Erandio.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun