Bertsoz bertso ibiliko da asteburu honetan Algortako Bertsolari Eskola (ALBE). Hasteko, bihar, larunbatarekin, Euskal Kulturaren XI. Jardunaldien eta "Euskara ahora" izeneko kanpainaren barruan, "Merkatua bertsotan" ekitaldia antolatuko du Algortan. Ekimen horretan, Sebastian Lizaso eta Anjel Mari Peñagarikano bertsolariek, abestuko dute, trikitilariak lagun izango dituztela. Saioa 12:00etatik 13:00etara izango da, Algortako Torrene kaleko azokan. Arratsaldean, jakina, Gernikako Jai Alai pilotalekuan izango dira, Bertsolari Txapelketa Nagusian, Jone Uria animatzeko gogoz. Azkenik, iganderako autobusa antolatu dute, Iruñeko finalaurrekoa ikusteko. Izan ere, Anaitasunean abestuko dute Unai Iturriaga, Onintza Enbeita, Amets Arzallus, Aitor Mendiluze, Julio Soto eta Iñaki Zelaia bertsolariek. Autobusa 14:00etan irtengo da, baina bertan joateko aurretik albegetxo[abildua]gmail.com" posta elektronikora idatzi beharko da, lekua erreserbatzeko. Argazkian, Onintza Enbeita Hendaiako saioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun