PATen oharra:
Euskal preso politikoen egoera larria da benetan. Espetxeetan, beraien aurka mantentzen duten espetxe politika krudela dela-eta, preso politikoen eskubideen ukazioa eguneroko ogia da. Aspaldian Euskal Preso Politikoen Kolektiboari begira hartzen diren neurriek, bi gobernuek preso politikoak pertsona bezala suntsitzeko politikarekin aurrera jarraitzen dutela gogorarazten digute, biziarteko espetxe zigorra, gaixo larriei ezarritako heriotza zigorra edota senide eta lagunengandik ehunka kilometrotara sakabanatuak izatea honen adibiderik lazgarrienak izanik.
Preso politiko eta pertsona gisa dagozkien bestelako eskubide asko ere ukatuak dituzte, ikasteko eskubidea kasu. Orain arte espainiar espetxeetan preso zeudenek UPVn, eta beraz euskaraz, ikasteko debekua bazuten, aurtengoan frantziar estatutan espetxeratuta dauden kideek ere ezinezkoa izango dute horrela egitea.
Preso politikoei nahiz sakabanaketa krudelaren bidez euren senide eta lagunei aplikatzen zaizkien neurri hauek guztiak eteteko, herritarren inplikazioa eta lana ezinbestekoa da. Bide honetan, datorren azaroaren 25ean, hilabeteko Azken Asteazkenarekin bat eginez, Presoen Aldeko Taldeok Euskal Herriko kanpus eta fakultate desberdinetan burutuko diren mobilizazioetan parte hartzeko deia luzatzen dizuegu.
Ikasteko eskubideen jabe, Euskal presoak Euskal Herrira!
Euskal preso politikoen ikasteko eskubidea aldarrikatuko dute asteazkenean Leioako campusean
Asteazken honetan, azaroak 25, hilabeteko azken asteazkenarekin bat eginez, "euskal preso politikoen ikasteko eskubideen" aldeko mobilizazioak izango dira campus eta fakultateetan, Presoen Aldeko Taldeek (PAT) deituta. Deitzaileek adierazi dutenez, preso politikoen eskubideen ukazioa "eguneroko ogia" da. Horren adibide bezala jarri dituzte "biziarteko espetxe zigorra, gaixo larriei ezarritako heriotza zigorra edota senide eta lagunengandik ehunka kilometrotara sakabanatuak izatea". Horretaz gain, "preso politiko eta pertsona gisa dagozkien bestelako eskubide asko" ere ukatuak dituztela ohartarazi du PATek, "ikasteko eskubidea kasu". "Orain arte espainiar espetxeetan preso zeudenek UPVn, eta beraz euskaraz, ikasteko debekua bazuten, aurtengoan frantziar estatutan espetxeratuta dauden kideek ere ezinezkoa izango dute horrela egitea", salatu dute presoen aldekoek. Erandio eta Leioako campusean 11:30ean egin ohi dute bateratzea. Argazkian, urriaren 22an Leioa eta Erandioko campusean egindako manifestazioan ere presoek EHUn ikasteko eskubidea "urratuta" daukatela salatu zuten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun