Langabezian eta gizartean baztertuta geratzeko arriskuan daudenen prestakuntza lan merkatura sartzeko "tresnarik onena" da, Eusko Jaurlaritzaren arduradunen arabera; "eta horixe da, hain zuzen ere, gizarte babeseko sistemarik onena", aipatu dutenez. “Ekimen honetan udalek funtsezko zeregina dute”, azpimarratu du Enplegu eta Gizarte Gaietako sailburuak: “Herritarra gertuen daukan erakundeak dira, eta ahalegin handia egiten dute gizarte kohesioaren alde”.
Betikolanen xedea 390 langabeturi adinekoen eta mendekoen zaintzaren arloan gaikuntza eta prestakuntza ematea da, "etorkizunean lan-aukera handia" izango duen esparrua baita, euren ustez. "Bi giza talde horien zaintza gero eta garrantzi handiagoa duen lan-sektorea da. Betikolan, beraz, aukera bat da, eta enplegu eta gizarteratzearekin hartzen dugun konpromisoa”, adierazi du Zabaletak.
Hamar mila langabetu gehiago
Eusko Jaurlaritzak emandako datuen arabera, 120.200 langabetu daude Araba, Bizkaia eta Gipuzkoan; hau da, aurreko hiruhilekoan baino 10.000 gehiago. Urte honetako hirugarren hiruhilekoari buruzko Biztanleria Aktiboaren Inkestaren datuak ei dira. Horrela, langabezia-tasa %11,5era iritsi da jada, eta horrek argi uzten du benetako erronka enpleguan dagoela. “Inolako zalantzarik gabe, enplegua da gure gizartean txertatzeko baliabide nagusia. Horrez gain, orain arte egindako azterlanek erakusten digutenez, diru-sarrerak bermatzeko errentaren hartzaileen herenek (50.000 pertsonatik gora) enplegurantz bideratzeko eta gizarte-bazterkeria saihesteko baldintzak betetzen dituzte”, adiearzi du sailburuak.
Getxo, Leioa eta Erandioko Udalak ere aukeratu dituzte Betikolan enplegu egitasmorako
Gemma Zabaleta Enplegu eta Gizarte Gaietako sailburuak lankidetza-protokoloa sinatu du gaur Bilbon, Betikolan programa garatzeko hautatu diren Araba, Bizkaia eta Gipuzkoako 30 udalekin. Horien artean dira Getxo, Leioa eta Erandio. Proiektu "esperimental eta berria" da, diru-sarrerak bermatzeko errenta jasotzen duten 390 pertsonari, adinekoen eta mendekoen zaintzaren arloan, prestakuntza eta enplegua emateko helburua duena. Euskalduna Jauregian izandako protokoloaren sinaduran sailburuak azpimarratu duenez, “ekimen honen jatorria euskal erakundeek krisiari aurre egiteko hartu duten erabaki irmoan dago; izan ere, gizarte-babeseko sistemarik onena lanpostu bat da”. Esperientzian parte hartuko duten 30 udalak irizpide sozio-ekonomiko eta demografikoen arabera hautatu dira. Udaletako oinarrizko gizarte-zerbitzuek eta Lanbide-Euskal Enplegu Zerbitzuak lankidetzan jardun dute, bost hilabete inguru iraungo duen prestakuntza ikastaroa jasoko duten 390 izangaiak hautatzeko. Ondoren, horietako 300ek sei hilabeteko kontratu bat lortuko dute. Gainerako 90ak erreserbako zerrenda batean geratuko dira, kontratatutakoen artean sortu litezkeen bajak betetzeko. Prozesu osoan zehar, gizarte- eta hezkuntza-laguntza emango dien pertsona bat izango dute alboan programako parte-hartzaileek. Argazkian, adinekoen eta mendekoen zaintzaren trebatuko dituzte langabetuak / © Educacion Xocial.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun