Baina emakumeonganako indarkeria ezabatzeak exijitzen du emakumeok pairatzen dugun zapalkuntzarekin amaitzea, hau da, emakumeok gure eskubide guztien jabe izatea eskatzen du.
Horrelako egunak adierazpenak eta hitz politak esateko erabiltzen dituzte erakundeek. Baina ezin ahaztu daiteke salatzeaz gain, neurri zehatzak eta eraginkorrak abiatu behar direla. Erakundeek orain arte bultzatu lege, protokolo eta neurriek, ez dute ahalbidetu belaunaldi berriek indarkeriari buruzko heziketa hezkidetzailea izatea, prebentzio mailan duen garrantziarekin. Erakundeek plan integralak abiatu beharko lituzkete, prebentzioan, sentsibilizazioan eta ondorengo neurrietan kokatuak.
Baina emakumeok ezin gara geratu besoak gurutzaturik egoera horren aurrean. Bizi dugun egoerari aurre egiteko ordua da. Emakumeok aski dela esan eta bitartekoak jarri behar ditugu egoerari aurre egiteko, gure eskubidea delako. Egoeraz kontziente izan gaitezen emakumeok eta guztion arazo egin dezagun bizi duguna! Denon artean aurre egin diezaiogun indarkeria matxistari!
Emakumeok autodefentsa!
Azaroaren 25ean, 19:00etan, kontzentrazioa Bulebarrean
Azaroak 25, Emakumeonganako Indarkeriaren Aurkako Nazioarteko Eguna. 2009an zazpi emakume hil dituzte, eta egunero, erasoak jasaten ditugu; horren adibide dira azaroaren 16an Leioan atxilotutako 27 urteko mutila bere bikotekidea erasotzeagatik. Indarkeria sexista jendartean dugun arazo larria da. Emakumeonganako indarkeria estrukturala da, bizitzako esparru guztietan pairatzen dugulako. Gizon eta emakumeon arteko harreman hierarkikoetan dago egungo indarkeria kasu ugariren arrazoia. Horren adibide Nagore Lafageren erailketa eta emandako epaia. Epai honekin gure eskubideen defentsan aurrerapausoak eman baino atzerapauso bat suposatzen baitu. Epaiketa honetan epaitu behar zen, gizon batek ez zuela onartu emakume baten ezetza. Horrek argi uzten du, gizon eta emakumeen arteko harreman hierarkikoetan dagoela indarkeri kasuen arrazoia eta ez alkoholean eta ez gizon batzuen zoramenean. Argazkian, iazko azaroaren 25ean eskualdean egindako elkarretaratzea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun