Horrenbestez, dokumentuak, iradokizunak, kexak eta erreklamazioak hartu egiten dira bertan. Gainera, lan-lizentzia eskaera edota jarduerak tramitatu daitezke, udal zergak ordain daitezke (momentuz txartel bidez) eta ordainketak etxeratzeko modua dago. Halaber, errolda zerbitzua ere ematen da. Ondorioz, errolda agiriak bertan egiten dira, eta altak eta bajak ere bai. Azkenik, Zalduko haur eskolan izena emateko matrikulazio eskaerak ere bertan kudeatu dira.
Sopelako mapa berria
Sopelako Turismo Zerbitzuak, berriz, udalerriko plano berria egin du, bertan biltzen den informazio osoa bisitariei ahalik eta erarik argienean emateko asmoz. Plano berriak aurrekoak baino kolore argiagoa du eta atzeko aldean udalerriari buruzko informazio erabilgarria du, hala nola, ostatuak, enpresak, jatetxeak eta abar. "Kalitatezko Q izendapeneko arauek azartzen dutena jarraiki" eta berritasun gisa, turismo planoa ez da euskaraz eta espainolez argitaratu bakarrik aurten. Ingelesezko eta frantsesezko edizioak ere egin dira, udalerrira gerturatzen diren atzerriko bisitarientzat. Plano berri horiek guztiak Turismo Bulegoan daude eskuragarri.
Sopelarin izenpean, jendearentzako arreta bulego berria ireki du Sopelako Udalak. Horrela, herrian ematen duen zerbitzua zabaldu egin du udal administrazioak, tokiko iturriek aipatu dutenez. Halaber, zerbitzu hori Larrabasterrera gerturatu dute, bide batez, "inguruko auzotarrek egindako eskakizunari erantzunez". Bulego berriak administrazio izapide desberdinak egiteko aukera ematen du, herritarrengandik gertuago. Urgitxieta plazan dago, Uribe Kostako Mankomunitateko bulegoen ondoan. 80 metro koadroko esparrua betetzen du eta jende aurreko arreta iraunkorra eskainiko du, 9:00etatik 13:30era. Bulego berriak ematen dituen zerbitzuak eta udaletxean eskaintzan direnak berberak dira. Hau da, udal informazio gunea izateaz gain, erregistro jarduerarekin lotutako agiriak tramitatu, iradokizunak bete, kexak agertu eta erreklamazioak aurkez daitezke. Argazkian, Sopelarin bulegoa / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun