Araitz irakaslearekin batera eta musikaren erritmo bizian gorputza astinduko dute denek batera, ostiral honetan, 17:00etatik 18:30era, Getxoko Geroa ikastolan. Haur zein gurasoei arropa erosoa eramatea gomendatu diete Sendikoek. Aerobic saioa 8 urte eta gehiago dituzten neska-mutilentzat prestatu dute eta, gehien jota, 15 umek parte hartu ahal izango dute. Hala ere, 8 urtetik beherako haurrik egotekotan (aurretik jakinaraztea eskatu dute), begiralea jarriko dute.
Kamishibai euskaraz
Kamishibai hitzak “paperezko antzerkia” esan nahi du eta Japonian ipuinak kontatzeko modu ezaguna da. Orriak erabiltzen dira (alde batean marrazkia eta bestean testua) eta umeek ipuina ikusten duten bitartean aurkezleari entzuten diote. Horren ostean umeek kamishibaia egiten ikasiko dute. Esan bezala, tailerra astelehenean, hilak 30, izango da, 18:00etatik 19:30era, Zubilleta ikastetxeko liburutegian. Saioa 8 eta 10 urte artean dituzten neska-mutilentzat prestatu dute eta, gehienez, 20 ume hartuko dituzte. Hala ere, aerobic-ean bezala, 8 urtetik beherako haurrik egotekotan (aurretik jakinaraztea eskatu dute), begiralea jarriko dute.
Unai Elorriaga idazle algortarrak “Londres kartoizkoa da” bere laugarren eta oraingoz azken nobela aurkeztuko du ostegun honetan, azaroak 26, Algortan, Euskal Kulturaren XI. Jardunaldien barruan. Egizu Getxo Euskaldun! elkartearen Uribe Kostako Irakurzaleen Txokoak antolatuta, 20.00etan izango da saioa, Algortako kultur etxean, Villamonten. Bitartean, Egizuk eta Getxoko Udal Euskara Zerbitzuak elkarlanean bultzatutako Sendi egitasmoa topera dabil. Getxoko umeak eta gurasoak euskaraz hainbat tailerretan aritu izan dira azaroan zehar. Baina, ez kezkatu, oraindik parte hartzeko aukera dago eta. Ostiral honetan, hilak 27, aerobic saioa egingo dute Geroa ikastola getxoztarrean; eta astelehenean, Algortako Zubilleta ikastetxean kamishibai tailerrarekin amaiera emango diote, azaroko tailer sortari. Informazio gehiagorako zein izena emateko, 685 732 963 telefono zenbakia daukate eskura aita-amek. Argazkian, Unai Elorriaga idazle algortarra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun