Gai zerrenda:
• Internauta euskaldunek elkar ezagutzeko espazio ludikoak eta informalak.
• Norberak bere Internetezko irratia sortzeko ikastaroa.
• Euskarazko Wikipedian zelan parte hartzeari buruzko hitzaldia.
• Sakeleko telefonoarekin zuzeneko bideo erretransmisioak egiteko tailerra.
• Eskualdeko Internet Gida ekimenaren aurkezpena.
• Open Street Map egitasmoaren barruan, norberaren herriko mapa libre eta euskaldunak zelan egin behar diren azalduko duen ikastaro praktikoa. Goiz horretan, Algortako mapa abiatuko dute.
• Ikusi Aldai Patronatuaren kokapena
Larunbat honetan, hilak 28, Uribe Kosta eta Erandioko blogari eta internauta euskaldunak batuko dira UKBlogak izeneko topaketan. Ekimena UKBERRI.NET Uribe Kosta eta Erandiko agerkari digitalak antolatu du eta helburu sinplea du: erabilgarriak diren zenbait tresna euskalduni buruzko tailerrak aitzakiatzat hartuta, eskualdean dabiltzan blogari eta internauta euskaldunen arteko lehen kontaktua hartzea eta hortik aurrera sareko komunitate euskaldun eta euskaltzalea sendotzeko prozesua abiatzea. Jardunaldia goizeko 10etan hasiko da, Algortako Aldai Patronatuan. Internauta euskaldunek elkar ezagutzeko espazio ludikoak eta informalak izateaz gain, hainbat tailer egingo dira UKBlogak topaketan. Besteak beste, norberak bere Internetezko irratia sortzeko ikastaroa; euskarazko Wikipedian zelan parte hartzeari buruzkoa; sakeleko telefonoarekin zuzeneko bideo erretransmisioak egitekoa; eskualdeko Internet Gida ekimenaren aurkezpena; edota Open Street Map egitasmoaren barruan, norberaren herriko mapa libre eta euskaldunak zelan egin behar diren azalduko duen ikastaro praktikoa. Goiz horretan, Algortako mapa abiatuko dute. UKBlogak topaketan parte hartu ahal izateko, iktdinamizatzailea[abildua]ukberri.net posta helbidera mezu bat bidaltzea besterik ez da egin behar. Argazkian, hiru blogari iaz Larrabetzun antolatu zen BasqueCamp izeneko antzeko ekimenean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun