Aurten honako egile hauek egongo dira Getxon: Michael Golden, Gene Ha, Arthur Suydam, Paco Roca (atzo bertan Komiki Sari Nazionala jaso zuena), Luis Duran, Salvador Larroca, Paco Roca, Tony Sandoval, Miguel Angel Gallardo, Jason, Ramon Boldu, Victor Santos, Eli Basanta eta Carlos Gimenez, besteak beste. Azken horri, Carlos Gimenezi, "Paracuellos" eta "Los profesionales" lan ospetsuen egileari, omenaldia egingo zaio. “Ipurbeltz” aldizkariari ere omenaldia eskainiko zaio , hiru hamarkadetan zehar haur eta gazteentzako euskal komikia bultzatu izanagatik.
Erakusketa eta aurkezpenak
Ohikoa denez, erakusketa garrantzitsuak izango dira azokan. Zazpigarren ekitaldi honetan egile ospetsuen lanaren inguruko erakusketak egongo dira. Horrela, Areetako Xake plazako karpan Carlos Gimenez, Victor Santosen (aurtengo azokaren kartelaren egilea) eta Victoria Frances ilustratzailearen lanak egongo dira ikusgai. Azkenik, "Ipurbeltz" euskal komiki aldizkariaren inguruko erakusketa ere egongo da bertan. Mangaren gunean, berriz, Ikebana (ekialdeko lore apainketaren artea) eta Japoniako antzinako jostailuen erakusketak egongo dira. Azkenik, Euskal Ilustratzaile Elkarte Profesionalaren eskutik (EIEP) "El Balanzin" aldizkariaren erakusketa egongo da. Halaber, elkarte horren egileek beren lanak erakutsiko dituzte Getxoko zenbati aretoetan.
Argitaletxeen eta egileen nobedadeen aurkezpenak ez dira faltako azokan. Eta ezin ahaztu hitzaldi eta mahai-inguruez, egunero izango baitira ekitaldi aretoan, baita proiekzioak ere, asko zikloetan bilduta. Izan multimediako lanak, izan animazioak, film laburrak, dokumentalak edo animeak, ikusleek komiki munduarekin loturiko zineaz gozatzeko aukera izango dute.
Ostiral honetan (azaroak 27) hasita eta igandera arte, zazpigarren Komiki eta Manga Azoka egingo da Getxo udalerrian. Hiru egunetan zehar, Areetako Xake plaza biñetaren munduko topagune bilakatuko da eta, bertan, salmenta postuez gain, hainbat ekitaldi egongo dira. Iaz bezala, aurten ere mangaren mundua leku propioa izango du Itzubaltzeta / Romoko Santa Eugenia plazan. Zenbait postu egongo dira bertan eta ekitaldi anitz izango dira ekialdeko komikiaren inguruan. Guztira, 100 bat postu egongo dira bi lekuetan, Getxoko Kultur Etxeak argitu duenez. Bertan komiki-dendak, liburu-denda espezializatuak, aldizkariak, fanzineak, argitaletxeak eta bederatzigarren arteari loturiko zenbait sektore egongo dira. Bestalde, ohikoa denez, nazioarteko egileak etorriko zaizkigu azokara. Horiek guztiek hitzaldietan, aurkezpenetan eta, nola ez, hain arrakastatsuak diren sinatze-txandetan ere, horietan zaleek autorerik gustukoenak zuzen-zuzenean ezagutzeko aukera dute eta. Besteak beste, bihar, 18:00etan, Purita Campos ilustratzaileari, "Esther y su mundo" komikiaren egilea, eta Juan Carlos Eguillor artista eta umorista grafikoari omenaldia egingo zaie azokako areto nagusian. Ordutegiari dagokionez, 11:00etatik 14:30era eta 17:00etatik 21:00etara zabalduko dituzte ateak. Argazkian, hainbat komiki zale iazko azokan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun