Urterik urtera arrakasta gehiago duen ekintza bihurtu da azoka hori. Joan den urtean, adibidez, azken markak apurtu ziren, 600 lagun baino gehiago bildu ziren Euskal Etxeen plazan, eta objektu guztien artean 1.186 kilo batu ziren. Kopuru hori osatzen duten objektuen artean mota askotakoak ikusi ahal izan ziren, horien artean, liburuak, jokoak, armairuak, bizikletak, telebistak edota oheak. Horiek guztioriek oso egoera onean ziren, gainera.
Azokan bertan Ekotaldeetako Leioako haur eta gazteak izaten dira lanean, beti Solasguneko hezitzaileengatik lagunduta. Lan talde hori 10 eta 20 urte bitarteko gazteek osatzen dute, eta beren eginkizuna Hezkuntza Sailetik antolatutako Herrigune programaren barruko ekintza guztien diseinuan, prestaketan eta garapenean laguntzea da.
Bihar, larunbatarekin, Leioako Kontsumo Iraunkorraren bosgarren azoka izango da Euskal Etxeen plazan. Goizeko 11:00etatik eguerdiko 15:00etara arte edozein herritar hurbildu ahal izango da erabilitako gauzak uztera edota zerbait hartzera. Izan ere, kontsumo iraunkorraren azokak objektuen bizitza luzatzea du helburu. Leioako Udalaren Hezkuntza Sailak bultzatutako ekintza horrek, Solasgunek antolatutako "Leioarako ez hain txikiak" egitasmoaren barruan kokatuta dago. Ekimenak kontsumo iraunkorrak ahalbidetzen duen kontsumoaren eta sastarren gutxitzea du helburu nagusitzat. Horregatik, leioaztar bakoitzak erabilgarri diren baina erabiltzen ez dituen objektuak azokara eraman ditzake eta horrela nahi badu beste objektu batzuengatik aldatzeko aukera du. Argazkian, iazko azokako irudi bat / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun