Egitaraua:
Azaroak 28, larunbata
20:00 Estricnina, Gaurko eta Delirium Tren Ez kontzertuan, Itzubaltzeta gaztetxean.
Azaroak 29, igandea
19:00 Bideo emanaldia, Itzubaltzeta gaztetxean.
Azaroak 30, astelehena
19:30 Hitzaldia eta eztabaida, Plaza Beltzaren lokalean, Larrabasterran.
Abenduak 1, asteartea
19:30 Hitzaldia, Villamonteko kultur etxean, Algortan.
"Uribe Kostan txikizioa geldiarazi!" lelopean, jardunaldiak antolatu ditu ondorengo egunetarako Lurralde Zati Planaren (LZP) aurkako asanbladak. Horrenbestez, larunbat honetan, azaroak 28, emango diete hasiera ekimenei: 20:00etatik aurrera, Estricnina, Gaurko eta Delirium Tren Ez igoko dira Itzubaltzeta gaztetxeko agertokira. Igandean, berriz, bideo emanaldia izango da, 19:00etan, lehen aipatu gune autogestionatuan. Azkenik, astelehen eta astearterako, hitzaldi bana antolatu dute, biak ala biak 19:30ean. Bata, Plaza Beltzak ireki berri duen liburutegian egingo dute, Larrabasterrako Akilino Arriola kalean. Eta bestea, Villamonteko kultur etxean, Algortan. Bitartean, iganderako, LZPren obrak ikusteko bizikleta martxa deitu du Sopelako Gazte Asanbladak, bertan egiten ari diren Gaztetxe Astearen ekitaldien barruan. 16:30ean abiatuko dira, aipatu herriko udaletxetik. Argazkian, martxoaren 28an, Algortako Sarrikobaso kaleko etxe huts baten fatxadan mural handi bat margotu zuten, etxebizitza eskubidea aldarrikatuz eta LZPren aurkako jarrera adieraziz / cc-by-nc Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun