Lehengo ostiralean Manex Zubiaga Algortako euskal preso politikoa Soto del Realetik (Madril, Espainia) atera eta Madril probintzian dagoen Estremerako espetxe berrira eraman zuten, Uribe Kostako Amnistiaren Aldeko Mugimenduak gaur Etengabe bitakoran zabaldu duenez. "Aste buru honetan bere etxekoak berarekin bisitan izan dira eta oraingoz 'ingreso' moduluan zegoen, baina aste honetan modulu batera pasako dutela esan zien", azaldu du errepresioaren kontrako tokiko erakundeak. Zubiagarekin batera, Ismael Berasategi preso politiko urretxuarra eta Unai Frias gatibu barakaldoarra ere eraman zituzten Sototik Estremerasera. Aipatu kartzela 2008ko uztailean inauguratu zuten, eta basamortu baten erdian kokatuta dago, Getxotik 476 kilometrotara. Argazkian, Manex Zubiaga urrian eraman zuten Frantziatik Soto del Realera / © Espainiako Polizia Nazionala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun