España y Libertad plataforma ultraeskuindarrak Suitzako herria zoriondu egin du, erreferendumaren bidez meskitetako minareteak debekatu dituztelako. Talde ultraeskuindarren aburuz, Suitzako musulmanei ezarritako debekua "askatasunaren aldeko apustu ausarta" izan da. Era berean, España y Libertad-ek gogoratu du musulmanen kopurua nabarmen igo dela Suitzan azken urteotan eta egun 440.000 direla, biztanleriaren %5,8. EyL-k maneiatzen dituen balizko proiekzio estatistikoen arabera 2040an, suitzarren %70 musulmana litzateke. Horregatik, emakumeek eta homosexualek bizi lezaketen balizko egoera aitzakiatzat jarriz islamiarren aurkako "alerta" piztu du talde ultraeskuindarrak. España y Libertad elkarteko buruzagia Yolanda Couceiro Morin da. Couceiro Morin Falange Vascako diruzain ohia, Frente Democratico Español alderdiko hautagai ohia eta MinutoDigital.com-eko zuzendaria da. Couceirok hainbat bider bisitatu du Getxo eta Leioako campusa, besteak beste, Gotzone Mora, Edurne Uriarte, Marisa Arrue, Maria Dolores De Cospedal edo Imanol Landa Getxoko alkatearekin batera agertuz. Argazkian, Yolanda Couceiro Morin / © Absurda Revolucion.
http://absurdarevolucion.blogspot.com
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun