Erandioko PPko bozeramaileak aipatu duenez, "egoera ez da berria, asko dira laguntzarik gabe gelditu diren auzokideak, aurrekonturik ez zegoelako". Hala ere, diru kopuru hori handitzeko eskaerak "behin eta berriz atzera bota ditu EAJk", Ruizen arabera. Tokiko popularren ordezkariaren hitzetan, "orain gutxi mozioa aurkeztu zuen PPk, diru nahikorik ez balego, laguntzak Udalak berak osatzeko" eskatuz, tokiko erakundearen "eskuduntza ez" direla aitortu arren. "Bai EAJk, bai PSE-EEk, proposamenari uko egin zioten", kritikatu du Ruizek. Baina, Erandioko PPko bozeramaileak ez du aipatu popularrek eta jelkideek euren botoak batu egin zituztela, "gizarte larrialdietako laguntza guztiak ordaintzeko beharrezko diru partida" eskatzeko Eusko Jaurlaritzari.
Orain arte 708 eskaera tramitatu ditu -2008an 614 izan ziren- Erandioko Udalak, Saioa Ochoa de Alda Gizarte Ekintza zinegotziak emandako datuen arabera. Horietatik 686 onartu zituzten eta 22 atzera bota, "baldintzak ez betetzeagatik".
Erandioko Udalari gizarte larrialdietako laguntzak berma ditzala eskatu dio PPk
Horretarako eskubidea duten erandioztar guztiek gizarte larrialdietako laguntza jaso dezatela "bermatzea" eskatu dio EAJren Udal Gobernuari Erandioko PPk, Europa Press albiste agentziak zabaldu duenez. Saioa Ochoa de Alda zinegotzi jelkideak orain egun batzuk iragarri zuen, herritarrek azaro eta abenduan egiten dituzten eskaerak "seguru asko" atzera bota beharko dituztela, "diru nahikorik ez dagoelako". Aipatu laguntzak hipotekak, ur eta zarama bilketa fakturak, eta arropa eta elikadura bezalako oinarrizko beharrizanak ordaintzeko izaten dira. Horretarako, 591.993 euro eman zizkion tokiko Gizarte Ekintza Arloari Eusko Jaurlaritzak; ondoren, 298.312 eurotan handitu zuten partida. Hala ere, 890.305 euro horiek "nahikoak ez" direla diote udal arduradunek. Gauzak horrela, kopuru hori Udalak berak handitzea eskatu du Javier Ruiz Erandioko PPko bozeramaileak. Horretarako, "aurrekontuetatik funtsik gabeko partida zehatz batzuk nahikoa litzateke", bere ustez. Hala ere, ez du zehaztu zeintzuk Ruizek. Argazkian, adineko bikotea paseoan / © Erandio.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun