Esther Ferrer (Donostia, 1937), 2008ko Arte Plastikoen Espainiako Sariaren irabazlea, berak bakarrik zein ZAJ kolektiboaren (1996an desegina) partaide moduan eginiko performance-engatik da ezaguna. 1999ko Veneziako bienalean Espainia ordezkatu zuen bi artistetako bat da. Bere lanak Euskal Herria, Espainia, Frantzia, Alemania eta Danimarkako hainbat galerietan izan dira ikusgai; Madrilgo Reina Sofia tartean. Performance egile gisa ibilbide luzea du Esther Ferrer-ek. Espainiako eta atzerriko hainbat jaialditan hartu du parte. Besteren artean: Alemania, Italia, Suitza, Belgika, Frantzia, Danimarka, Norvegia, Ingalaterra, Holanda, Polonia, Eslovakia, Txekiar Errepublika, Hungaria, Amerikako Estatu Batuak, Kanada, Mexiko, Kuba, Tailandia, Japonia, Korea… Ikastaro ugari eskaini ditu unibertsitate eta Arte Eder eskoletan: Kanadan, Frantzian, Suitzan, Italia eta Espainian.
Kontakizun laburren sariak
Kontakizun labur solidarioen lehiaketa EHUko %0,7 Elkartasun Fondoak antolatzen du eta kontakizun laburren gaia elkartasuna eta giza eskubideak erlazionatuta egon behar du. Orotara, 40 kontakizun aurkeztu dira, haietatik 30 espainolez eta 10 euskaraz. Sariei dagokienez, 400 euro eman zaizkio espainolez zein euskaraz idatziko kontakizun onenaren egileari eta 200 euro akzesitei. Sarien banaketa abenduaren 10ean izango da, Nazio Batuek Giza Eskubideen Deklarazio Unibertsala aldarrikatu zuteneko urteurrenean.
Euskaraz aurkeztutako kontakizun laburren artean lehengo saria ex-aequo Juan Iturberen "Haizeak abestuko du nire istorioa" eta Marta Gaztañagaren "Aulkia eta itsua" jaso dute. Aipamena, Antonio Casadok aurkeztutako "Bukatu gabeko testu iruzkina" lanarentzat izan da.
Espainolez aurkeztutako kontakizun laburren artean, lehengo saria, "Cuando seamos grandes" lanak jaso du, Samara Ruizek aurkeztua. Bestalde, bi akzesit banatu dituzte: bata, Sergio Seoaneren "Una gran fiesta" kontakizun laburrarentzat; eta bestea, Simon Pierre Taulak aurkeztutako "La temible pregunta del ser" lanarentzat.
Asteazken honetan, abenduak 2, "Hear me with your eyes" (Begiekin entzun nazazu) zikloaren bigarren edizioa abiatuko dute Leioa eta Erandioko campuseko Arte Ederren Fakultatean. Horrenbestez, Esther Ferrer "performer"-ak eskainiko du hitzaldia, 11:00etan, aipatu fakultateko gradu aretoan. Sarrera publiko guztiari irekita egongo da. "Hear me with your eyes" ekimenaren barruan, euren azken lanak aurkeztuko dituzte gonbidatutako artistek. "Hortaz, publikoak artista horiek nola sortu eta burutzen dituzten lanak ikusi ahal izango dute, bai kontzeptu, bai garapen materialaren aldetik. Horrela, gaur egungo artisten lanekin harreman zuzena eman daiteke elkarrizketa erraztuz", zehaztu dute EHUko iturriek. Hilaren 17an, Erredakzioa taldeko Estibaliz Sabada eta Azucena Ciete izango dira Arte Ederren Fakultatean. Argazkian, Esther Ferrer / cc-by-sa Wiki-historiak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun