Gauzak horrela, bandak "ahots melodikoa, erritmo dantzagarriak eta sinpletasuna" nortasun gisa aldarrikatzen ditu. Filosofia eta ideologiari dagokienez, "Euskal Herriko errealitatean kokatuak, bidegabekerien salaketak eta inposatutako sistemaren aldaketarako grinak" gidatzen dituela diote taldekideek. Izan ere, "Euskal Herriko musika mugimenduan kritikoki eragiteko jaiotako taldetzat" jotzen dute Siroka. Horren guztiorren adibide bat da taldeak abenduaren 5ean gazte mugimenduko lagunen atxiloketak salatzeko Durangon deitutako manifestazioarekin bat egin izana.
"Haize Berriak" lana salgai izango da Durangoko Euskal Liburu eta Disko Azokan, hiru eurotan, MusikHerriaren saltokian, Barrenkale 56an. Dena den, pendrive-ren bat eramanez gero doan kopiatu ahal izango da, MusikHerriako beste edozein disko bezala. Gainera, MusikHerriaren webgunean eta Sirokaren bitakoran eta Myspace-ko gunean, entzun eta jaisteko aukera izango da. Zuzenean entzuteko berriz, otsailera arte edo itxaron beharko da.
MusikHerriaren nobedadeak
Aurreko urteotan Durangoko Euskal Liburu eta Disko Azokaren inguruan sustatutako jarrera kritikoari jarraipena emanez, aurten MusikHerria Ahotsenea sortzaileen ekimenarekin bat egin du. Horren emaitza, bi aurkezpen egingo dituzte abenduaren 6an, igandearekin. Arratsaldeko 4etan, Zein da Zein? eta Sirokak aurkezpena egin eta zaleekin izango dira. 18:30ean, berriz, Anger talde arrasatearraren txanda izango da. Baina, nobedadeen kopurua askoz luzeagoa da. Hona hemen zerrenda txiki bat:
• Junzai Txetxeraren "Ihesi".
• Sahara eta Euskal Herriko hainbat musikarien "Hurria (askatasuna). Bi herri, irrintzi bat!".
• Olaz Blairen "Izate ustela".
• Angerren "Sedukzioaz".
• 121 Krew-en "Guztiok bat... euskal rap!".
• Sirokaren "Haize berriak".
• Zein da Zein? taldearen "Zein da Zein?".
• Balmasedako Ekintza Gazte Asanbladaren "Zubiak apurtzen".
• Eta, jakina, 2009an zehar zein aurreko urteetan editatutako disko guztiak.
"Iraultza sirokoak" abestiaren bideoa:
Leioako Ekaitz "Kloratita" eta Ugaoko Gorka "Feos pero Majos" Koska irratiko esatariak tartean, MusikHerria diskoetxeko Siroka talde berria aurkeztu da gaur goizean. Aipatutakoez gain, Maria "Apurka"-k eta Gaizka "Izate Faltsua"-k osatzen dute udan ibiltzeari ekin zion taldea. Gaur ere, laukotearen "Haize berriak" lehenengo diskoa aurkeztu dute, bertan, Jone Uria bertsolari algortarrak parte hartu duela. Bi bildumek izan dute Siroka sortzearen errua. Alde batetik, Balmasedako Ekintza Gazte Asanbladak etxebizitza eskubidearen aldeko "Zubiak Apurtzen" bilduma diskoan parte hartzeko gonbitea egin zion Mariari, baina Apurka taldea "standby" egoeran zegoela, musikari lagun batzuei laguntza eskatu zien orduan. Gauza bera gertatu zitzaien Arratiako koadrila batek MusikHerria guztia dantzan jarri zuenean, Sahararen aldeko "Hurria (askatasuna). Bi herri, irrintzi bat!" bilduma CDa kaleratzeko. Ekimen horretarako "Iraultza sirokoak" abestia grabatu zuten. Ondoren, gustura ibili zirela eta taldea sortzea erabaki zuten, Siroka izena hartuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun