Topaketek bi helburu nagusi dituzte, udal arduradunen arabera. Alde batetik, udalerriko boluntariotza sozialean lan egiten duten eta Gizarte Zerbitzuekin kolaboratzen duten elkarteentzako elkargunea izatea da asmoa. Une honetan 40 bat elkarte ari dira elkarlanean, tartean, familia, hirugarren adina eta ezintasunen alorrekoak. “Esparru horietan boluntarioak izatea guztiz beharrezkoa da”, gaur goizean Imanol Landa Getxoko alkateak adierazi duenez (mp3). Bigarren helburua, aipatu elkarteen bidez boluntarioak urte osoan udalerrian egiten duten lana goraipatzea da, "euren izaera altruistagatik eta desinteresatuagatik, eta batez ere besteon zerbitzurako egiten dutelako", tokiko agintariak aipatu duenez. "Nire ustez, lan hori ez da inoiz behar bezala goraipatzen, eta horregatik esker ona emateko egiten dena ez da inoiz nahikoa izango”, gaineratu du Landa. Bere ustez, Aipatu “erakundeek egiten dute lanaren osagarria izaten da" elkarteon jarduna.
Etengabe aldatzen
“Boluntariotzako berrikuntzak” aurtengo topaketaren leloari helduz, "etengabe aldatzen ari den gizarteari egokitzeko boluntariotza egiten ari den apustua eta esfortzuak" nabarmendu ditu alkateak. Azkenik, Landak getxoztarrei dei egin die boluntarioen elkarteekin kolaboratzeko, “ziur nagoelako kolaboratzeko gogoa ongietorria izango dela". "Argi dago gizarteak boluntarioak behar dituela, edozein mota eta esparrutakoak eta ezin da ahaztu boluntario izatea ona dela laguntza ematen duenarentzat, baita laguntza hori jasotzen duenarentzat ere", gaineratu duenez.
Bitartean, Gizarte Zerbitzuen alorrak FEGEVOLen lanaren alde egiten du, “uste dugulako onuragarria dela udalerri osorako lan egiten duten elkarteekin batera lan egitea”, Elena Coria zinegotziak zehaztu duenez (mp3). Une honetan 20 bat elkartek osatzen dute Getxo udalerriko Boluntariotza Erakundeen Federazioa; horien artean Gizatiar, Emakumeen elkartea, Apsoriaris, Bizkel, Avifes, Europark, Uribe-Kosta, Aspace, Urte Alaia eta Acambi izenekoek. Federazioaren ardatzak lan boluntarioaren zabaltzea, elkarteak sustatzea eta pertsona boluntarioak bereganatzea dira. FEGEVOLen buru Mercedes Garaikoetxeak azaldu duenez, “federazioak boluntariotzako dakartzan berrikuntza indartzaile eta positibo guztiak bere gain hartu eta laguntzen ditu: bide horretatik urteko topaketa hau bultzatzen du eta gauza dadin lan egiten du".
Ikusi gaurko prentsaurrekoa:
“Boluntariotzako berrikuntzak” izenburupean, asteazken honetan, abenduak 2, izango da aurtengo Getxoko Boluntariotzako Topaketa (pdf), Algortako kultur aretoan, Villamonten. Aurrekoetan bezala, Boluntariotza Erakundeen Federazioak (FEGEVOL) antolatu du jardunaldiaren 16. edizioa, Getxoko Udalaren Gizarte Zerbitzuen laguntzaz. Horrenbestez, 18:30ean emango diote hasiera topaketari udal agintariek. Ondoren, “Boluntariotza sustatu Portugaleten: parte hartzeko prozesuaren ondorioa” izeneko mahaingurua izango da, Santiago Perez Boluntariotza zinegotzi portugaletearraren eta Cristina Palacios aipatu udalerriko Adaka elkarteko zuzendariaren partaidetzarekin. Zaloa Cabanelasek moderatutako solasaldiaren ostean, Irantzu Gorotizaga ASEBI elkarteko boluntarioaren ikuspuntua ezagutzeko aukera egongo da. Ekitaldiari amaiera emateko, 19:45ean, sari bana emango die "2009ko boluntarioari" eta urteko "entitate boluntarioari" Mercedes Garaikoetxea FEGEVOLeko presidenteak. Argazkian, ezkerretik eskuinera, Elena Coria Gizarte Zerbitzuen zinegotzia, Imanol Landa alkatea eta Mercedes Garaikoetxea FEGEVOLeko presidentea, gaur, boluntarioen topaketa aurkezten.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun