Amnistiaren Aldeko Mugimenduaren salaketa:
Beste behin ere Euskal Herrian Guardia Zibilak nahi bezala aritzeko duen inpunitate agerian utzi du gertaera honek. Kontrolak nahi dituzten lekuan jarri, nahi dituzten autoak gelditu eta nahi bezalako tratua ematen diete herritarrei. Kontroletan ohikoa da bortizkeria eta irainen erabileta, galdeketa politikoak egitea eta herritarrak mehatxatzea. Guardia Zibilei eta Euskal Herrira gerra egitera etorri ziren okupazio indar guztiei hemendik alde egiteko eskatzen diegu.
Leioaztarrak dira Guardia Zibilak Ispaster inguruan "mehatxatu eta kolpatutako" gazteak
Guardia Zibilaren kontrol batean "mehatxuak eta kolpeak" jasan zituztela orain gutxi salatu duten gazte guztiak leioaztarrak dira, Leioako ezker abertzaleak UKBERRI.NET agerkari digitalari jakinarazi dionez. Amnistiaren Aldeko Mugimenduak asteazkenean Askatu.org webgunean zabaldu zuenez, azaroaren 28an, goizaldeko 3etatik 4:30era sei gazte Guardia Zibilak geldituak eta atxikiak izan ziren, Lekeitio eta Ispaster artean jarritako kontrol batean. "Sei gazteak elkarrengandik banatu eta mendira begira jarriak izan ziren, euritan. Kontrolean egon ziren 90 minutuetan gazteek modu askotako tratu txarrak jasan zituzten: bultzadak, zaplaztekoak, metrailetekin kolpeak, mehatxuak (metrailetekin apuntatuz) eta irainak", errepresioaren kontrako mugimenduak salatu zuenez. Besteak beste, "arraza madarikatu puta hori" bota zieten, espainol jatorrean. Argazkian, Guardia Zibilaren kontrol bat / cc Askatu.org.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun