Bertxoko gazte "sariQeta" Hala Bedi irratiaren "Bertxoko" irratsaioak eta Arabako Bertsozale Elkarteak antolatutako sari "ganberroa" da. Jakina, Hala Bedik sariketako bertsorik onenak komentatzen ditu "Bertxoko" irratsaioan, eta Uriaren saioa hizpide izango dute, hilaren 9an emitituko duten programan. Saio hori, abenduaren 11n, 18:00etan, emitituko du Koska irratiak, ostiralero egin bezala.
Gasteizko saioan kantatutako bertsoen inguruan hainbat bideo zabaldu du jada Arabako Bertsozale Elkarteak. Hona hemen:
Gasteizko kanporaketan botatako agurren bideoa:
Gasteizko kanporaketan Jone Uriak, Enaitz Alustizak eta Ekaitz Samaniegok abestutako koplen bideoa:
Gasteizko kanporaketan Jone Uriak eta Enaitz Alustizak abestutako ofizioa:
Gasteizko kanporaketan Eneko Lazkozek egindako bakarreko lanaren bideoa:
Gaur iluntzeko 20:30etik aurrera, Bertxoko gazte "sariQeta"-ren finala jokatuko du Jone Uria Albizurik. Afari legeari eta sariketaren ohiturari jarraituz, bertso afarian erabakiko dute aurtengo Bertxokoko txapelduna. Hitzordua Aramaioko Iturrieta sagardotegian jarri dute horretarako. Uriak ez du erraza izango kontua, aurrean mutil boskote gogorra izango baitu. Iñaki Viñaspre abetxukoarra, Alegiako Mikel Artola, Enaitz Alustiza bergararra, Ander Solozabal gasteiztarra eta Arrasateko Jokin Labaien iazko txapelduna ere publikoaren txaloen bila joango dira. Uria pasa den azaroaren 19an sailkatu zen Gasteizen egindako hirugarren kanporaketan. Bertan maila handia erakutsi zuela, publikoak akats batzuk barkatu zizkion. Tartean, gai gisa Areetan bizi den Carlos Iturgaiz PPko europarlamentarioaren argazkia jarri eta Jonek bertsoa Josu Jon Imazi abestu izana. Bitartean, Algortako Bertsolari Eskolak jakinarazi duenez, Arrate Illaro algortarrak Mutrikuko Bertso Eskolak antolatutako Okelar XVI. bertsopaper sariketa irabazi egin du eta hilak 19 jasoko du saria.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun