Plentziako ezker abertzalea: "Plentzia, euskararen etsaia"

Betidanik esan da Plentzian euskara gutxi hitz egiten dela. Hau egia da, nahiz eta azken urteotan jendeak sakelako telefonoz, seme-alabekin edo txakurrekin euskaraz mintzatzen entzutea erraza izan. Gero, lagunen artean, erdaraz hitz egiten dugu, lotsa edo ohituragatik… Gune publikoetan, kultur etxean edo informazio bulegoan, adibidez, gure hizkuntza entzutea orain errazagoa da, batez ere, langileen jarrerari esker. Zaila, edo ezinezkoa, udaletxean bertan. Atzoko udalbatzan -abenduaren 3ko osoko bilkurari buruz-, Euskararen Nazioarteko Eguna izan zen arren, entzun genituen euskarazko hitz bakarrak kaleen izenak eta haur-eskola izan ziren. Hori bai, Udal gobernuak euskara sustatzeko diru-laguntzak lortu nahi baditu, beharrezko akordioak sinatzeko prest dago (diru kopuru hori non inbertitzen den asmatu…) Argazkian, Plentziako ezker abertzaleak zabaldutako kartela (handiago ikusi).