Bihar banatuko dituzte campusean Kontakizun Labur Solidarioen Lehiaketako sariak
Bihar, osteguna, 13:00etan, Leioa eta Erandioko Campuseko Liburutegiko Hitzaldi Nagusiak Kontakizun Labur Solidarioen Lehiaketako sarien banaketa izango da. Lehiaketa EHUko %0,7 Elkartasun Fondoak antolatu du unibertsitateko ikasle eta langileen artean elkartasunarekiko sentsibilizazioa bultzatzeko, eta horretarako kontakizun laburren gaitzat elkartasuna eta giza eskubideak jarri zuen. Hori dela eta, ekitaldia bihar, abenduak 10, Giza Eskubideen deklarazioaren 61. urtemugarekin batera, egingo da. Orotan, berrogei kontakizun aurkeztu dira, haietatik 30 espainolez eta hamar euskaraz. Hizkuntza bakoitzeko lanik onenak 400 euro irabaziko ditu eta erdia accesit bakoitzak. Azkenean, baina, 6 izango dira irabazleak. Euskaraz, lehengo saria ex-aequo Juan Iturbe Barrenetxearen "Haizeak abestuko du nire historia" (pdf) eta Marta Gaztañaga Lakunzaren "Aulkia eta itsua" (pdf) kontakizunek eskuratu dute. Accesita, "Bukatu gabeko testu iruzkina" (pdf) Antonio Casado Da Rocharenak eraman du. Argazkian, Casado Da Rocha Balioen Filosofia eta Gizarte Antropologia Saileko ikertzailea / © EHU.
Espainolez, aurkeztutako kontakizun laburren artean lehengo saria "Cuando seamos grandes" Samara Ruiz Navarrok aurkeztutakoak lortu du eta bi accesit izan dira, "Una gran fiesta" Sergio Seoanerena eta Simon-Pierre Taularen "La temible pregunta del ser".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun