Europako Espalazio Bidezko Neutroi-iturriaren azpi-egoitza Erandio eta Leioako campusean eraikitzea "autonomia erkidego baten eta Estatuaren lankidetza eredu" dela, eta horrek azpiegituraren "arrakasta bermatuko" duela, azpimarratu dute gaur Cristina Garmendia Espainiako Zientzia eta Berrikuntza ministroak eta Patxi Lopez Araba, Bizkaia eta Gipuzkoako lehendakariak. Gaur aurkeztu dituzte azpiegituraren nondik norakoak EHUren egoitzan. Bertan eraikiko dute, bi urteren buruan, neutroi-iturrien zentroa. Hala ere, badirudi instalazioa ez dela erabat martxan izango 2015era arte. Garmendia oso pozik agertu da zentroa eraikiko dutelako (Suediarekin lotutako akordio bati esker, Lund hirian eraikiko dute egoitza nagusia). Hala ere, 180 milioi euroko inbertsioari egin beharko diote aurre Eusko Jaurlaritzak eta Espainiako Gobernuak, erdi bana. Argazkian, besteak beste, Garmendia eta Lopez neutroi-iturrien aurkezpenean / © Espainiako Zientzia eta Berrikuntza Ministerioa.
Leioa eta Erandioko campusekoa "ez da izango dugun nazioarteko instalazio zientifikoa bakarra soilik, erakundeen arteko lankidetzarako eredua da eta bide bat ireki dugu, baztertu behar ez duguna", aipatu du Garmendia ministroak. Era berean, Espainiako Estatuan eta EAEn egingo duen "traktore" lana goraipatu du. Horren harira, Lopez lehendakariak esan du "herri proiektua" dela, eta "Euskadi nazioarteko alor zientifikoaren mapan" kokatuko duela. Gainera, 60 lanpostu sortzea ekarriko duela azaldu du, eta horietako askok goi-mailako prestakuntza izango dutela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun