Alkateak azaldutakoaren arabera, “programa Udalak immigrazio alorrean bultzatutako eta oinarrizko helburu bat lortu nahi duten politiketan kokatzen da, gizarte kohesionatua lortzeko eta horrela edozein jatorri, sexu, arraza, hizkuntza edo pertsona izanda ere, denok Getxoko auzokideak izango gara eta beraz gure eskubideak eta betebeharrak edukiko ditugu, pertsonak bezala garatzeko beharrezkoak direnak”. Ospakizun honen bitartez “datu hotzak edo pertzepzio edo immigrazioari buruzko aurreiritziak alde batera utzita, pertsonen errealitatea hartu nahi dugu kontuan, begiak eta aurpegia dituzten gizadiak baitira, gurekin bizi diren auzokideak eta horregatik eskubideak dituzte, agiriak eduki edo ez, Nazioarteko Zuzenbideak jaso bezala” gehitu du Imanol Landak.
Programa
Programa bihar, ostiralean, hasiko da, “Taller de futuro: la situacion del alumnado inmigrante en el sistema educativo” delako tailerrarekin. “Herritar talde desberdinek parte hartuko dute, ordezko etorkizunak diseina ditzaten. Lehenengo tailer horretan ikasle etorkinek eskola sisteman duten egoera jorratzea izango da helburua, gizarte hartzaileek egun duten erronka nagusietakoa eta gizarte kohesioan eragina handia edukiko duen egoerak”, Elena Coriak, Immigrazio zinegotziak azaldu duenez. Tailer hori martxan jartzea eta aurrera eramatearen ardura Etorkinen Plataformak du.
Harresiak Apurtuz, Euskadiko Etorkinen Gobernuz Kanpoko Erakundeak Atzerritartasun Lege Organikoaren berrikuntzari buruzko hitzaldia eskainiko du, espainolez, asteazkenean, abenduaren 16an Itzubaltzeta / Romoko kultur aretoan. Udalak bertoko eta atzerritar jatorriko herritarrak gonbidatzen ditu hitzordu horretara joateko aipatutako Legearen erreformaren ondorioak ezagutzeko.
Ikuspegi Immigrazioaren Euskal Behatokiak 2009ko immigrazioaren panoramika aurkeztuko du erdaraz, abenduaren 18an, udalerriko atzerriko immigrazioaren garapena azalarazteko. Gauean, Tom McCarthyren “The Visitor” pelikula proiektatuko da, irailaren 11az geroztik migrazio politika murritzaileei buruzkoa. Hurrengo egunean jarduera parte-hartzailea izango da INT Actuen eskutik, Gazteria Sailak antolatutako Wanted Ideien Lehiaketaren bigarren saritua dena. “1 lugar, 1000 colores” lelopean, kale mintzaleku bat imitatuko duen muntaia erakutsiko da pantaila erraldoi batean, Areetako Xake plazan. Bertatik, munduko beste toki eta biztanleekin, zuzenean bat egiteko aukera izango da. Bi saio izango dira ordu desberdinei egokitu ahal izateko. Adibidez, Filipinar Irlekin goizean konektatuko da eta Bolibiarekin arratsaldean.
Azkenik, astelehenean, abenduaren 21ean, Getxoko Etorkinen Plataformaren aurkezpen publikoa izango da. Plataforma honako hauek osatzen dute: Adrebol egoiliar bolibiarren kirol elkartea, Arahma euskal eta arabiar emakume elkartea, Berdintasuna, Caritas, Egintza, Quinara M’Benne Botcha-ren seme-alabak, Pagkakaisa Euskal Herrian dauden Filipinetako etorkinen elkartea, Perualde eta Sikap Euskal Herriko elkarte filipinoa.
Azkenik, 2010eko Kultura arteko Egutegia hartu nahi dutenak herritarren arretarako bulegoetara joan ahal izango dira. Udalerriko ikastetxeek ere geletan ipiniko dute egutegia. Guztira 2.500 ale banatuko dira. Aurtengo gaia Euskarashowa, kulturen arteko karaokea da.
Bihar, ostiralarekin, hasiera emango diete Getxo udalerrian datorren abenduaren 18an izango den Etorkinen Nazioarteko Egunaren ospakizunei. Etorkinen hainbat elkartek eta Getxoko Udaleko Immigrazioko Unitateak antolatutako jardueren egitaraua ikasle etorkinek hezkuntza sisteman duten egoerari buruzko tailer parte-hartzaile batekin hasiko da. Etorkinen Nazioarte Egun hori ospatzearen helburua "etorkinek heltzen diren udalerrien aurrerapen ekonomikoan, sozialean eta kulturalean egiten duten ekarpena goraipatzea" da, Immigrazioko Unitateko teknikariek azaldu bezala. Imanol Landa alkate getxotarrak ildo horretan mintzatu da: “Getxoko Udalak eta immigrazio alorreko eta esku-hartze sozialeko hainbat elkartek osatutako Etorkinen Plataformak abenduaren 18a ospatuko dugu berriro, oso garrantzitsua baita etorkinen oinarrizko eskubideak aitortzea, toki batean edo bestean bizitzea erabakita”. Urte hasieran, Getxo udalerrian erroldatutako biztanleria 81.731 lagunena zen eta horietatik 5.524, %6,4, Espainiako mugetatik kanpokoak ziren. Horietatik %65 hegoamerikarra eta %60 emakumea da. Bihar ere “Getxotik Mundura” topaketen 12. edizioari emango diote hasiera Areetako Xake plazan. Getxoko Udalaren Garapeneko Lankidetza Sailak antolatuta, igandera bitartean, bidezko merkataritza, Sahararen eguna eta GGKEn azoka izango dira, besteak beste. Argazkian, Etorkinen Nazioarteko Egunaren iazko ekitaldietan 600 bat lagunek hartu zuten parte.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun