Preso politikoei zein sakabanaketa krudelaren bidez euren senide eta lagunei aplikatzen zaizkien neurri hauek eteteko, herritarren inplikazioa eta lana ezinbestekoa dela iruditzen zaigu. Horregatik, Etxerat elkarteak urtarrilaren 2rako deitutako manifestazioaren harira kaleratutako manifestuaren aldarrikapenak gure egin eta azken asteotan atxikimenduak biltzen gabiltza unibertsitate-eremuko norbanako eta eragile desberdinen artean manifestuko hiru aldarrikapen nagusiak oinarritzat hartuz:
- Biziarteko zigorrik ez! Preso gaixoak kalera!
- Heriotza zigorrik ez! Kondena beteta duten presoak kalera!
- Dagozkien eskubideen jabe, euskal presoak Euskal Herrira!
Bide honetan, datorren abenduaren 16an, asteartea, unibertsitate-eremuko ikasle, irakasle eta langileok 11:30ean Leioako campuseko Gizarte Zientzien fakultatean burutu behar dugun prentsaurreko masiboan zein ondoren antolatutako manifestazioan parte hartzeko deia luzatzen dizuegu.
Atxikimenduak
Atxikimenduak fakultate eta campus desberdinetan jarriko diren mahai desberdinen bidez jasoko dira. E-posta bidez ere eman dezakezue zuen atxikimendua ikastekoeskubidea[abildua]gmail.com helbidera mezu bat bidaliz zuen izen-abizenak eta lanbidea adieraziz.
Unibertsitate-eremuko ikasle, irakasle eta langileak
Unibertsitate-eremuko ikasle, irakasle eta langileak: "Ikasteko eskubidearen jabe, euskal presoak Euskal Herrira!"
Giza Eskubideen Nazioarteko Eguna den abenduaren 10 honetan, unibertsitate-eremuko ikasle, irakasle eta langileok espainiar eta frantziar espetxeetan sakabanatuta dauden 700dik gora euskal preso politikoek bizi duten egoera gordina salatu nahi dugu. Espetxeetan, beraien aurka mantentzen duten espetxe politika krudela dela-eta, preso politikoen giza eskubideen ukazioa eguneroko ogia da. Aspaldian euskal preso politikoei begira hartzen diren neurriek, bi gobernuek preso politikoak pertsona bezala suntsitzeko politikarekin aurrera jarraitzen dutela gogorarazten digute, biziarteko espetxe zigorra eta gaixo larriei ezarritako heriotza zigorra honen adibiderik lazgarrienak izanik. Argazkian, Leioako campusean egindako mobilizazio bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun