Patxi Markes Berangoko euskal preso politikoa herenegun, abenduak 9, Almeriako espetxetik atera eta Albocassereko Castello II espetxera eraman zuten, Uribe Kostako Amnistiaren Aldeko Mugimenduak Etengabe bitakoraren bitartez jakinarazi duenez. Castello II espetxea joan zen urtean inauguratu zuten. Berangotik 561 kilometrotara dago. Bertan Jagoba Terrones berangoztarra ere badago, beste bost euskal preso politikorekin batera. Halaber, Valentzia aldean dauzkate Berangokoa ere den Orkatz Gallastegi gaztea eta Algortan jaio eta Errigoitin bizi zen Marije Fullaondo Batasuneko mahai nazionaleko kidea, baina beste kartzela batean, Castello I espetxean, alegia. Bitartean, Almeriako presondegitik atera aurretik, senideen aurrez aurreko barik gelditu zen igandean Patxi Markes. Espetxeetan emandako azken gertaerak direla eta, Etxerat elkarteak salatutakoaren arabera, Txetxu Fernandez algortarra ere aurrez aurrekorik gabe geratu zen, Burgosen. Argazkian, presoen aldeko elkarretaratzea Berangon.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun