Gutxi ziren, inor ez esatearren, botilak dantzan ari ziren erdararen itsaso zakartuari erreparatzen ziotenak, are gutxiago euskararen itsaso urdin eta zabalera iristeko eman beharreko urratsez mintzatzen zirenak. Den-denak, itsuturik, euskara oxigeno apur batekin bizirautera mantentzen zituzten botilei begira zeuden.
Hori da, beste era batera esanda, Euskal Herriko bertako hizkuntza bakarrak pairatzen duen errealitatea, baina euskarak ezin du muga horien artean biziraun, eta aldaketa behar du; erroko aldaketa. Horrexegatik, orain inoiz baino beharrezkoagoa da euskaldun euskaltzale guztion arteko elkarlana, euskara menpeko egoeratik lehentasunezkora eramateko tenorean: iruzurrak salatuz; gune euskaldunak indartuz eta berriak sortuz; euskararen ofizialtasuna Euskal Herri osoan aldarrikatuz; hizkuntza politika burujabea bultzatuz, euskaraz bizitzeko hautuari eutsiz…. Finean, maila sozialean, politikoan zein juridikoan euskarak behar dituen aldaketak eraginez.
Botilak euskararen mugak baino ez direnaren kontzientzia hartuta, baina eta kortxoak apurtzeko indarrak batuz, euskara txoko guztietara isurtzea lortuko dugu, euskara, biharko Euskal Herrian, itsasoa izanen delarik.
Nestor Esteban Scaloni, Euskal Herrian Euskaraz taldeko kidea
Euskara, hiru botila ezberdinetan sartu, eta erdararen itsasora jaurti zuten. Lehenengo botilan, Champagne botilan, “liberté, egalité, fraternité” jartzen zuen; bigarrenean, “Chacolí” botilan, “euskararen legea” zegoen idatzita; eta azkenekoan, Korellako upategi bateko “red wine” botilan, “Ley del vascuence” irakurri zitekeen. Hirurak artelatzezko kortxo sendoekin zeuden itxita euskara ondare gisa ongi gordeta egon zedin, akaso, hobeto babestua izanen zela sentiarazteko; barkatu, sinestarazteko esan nahi nuen. Botiletan euskaraz bizi ahal izateko, eskubideen berme mailaz hitz egiten hasi ziren politikariak. Euskarak beiretan uzten zituen marra-mailak konparatzen zituzten, beste batzuek botila gustukoenetan zentratzen ziren beterik zeudela baieztatzeko, erdi-beterik, erdi-hutsik, hutsik… Kortxoetatik 9 edo 4 ttantta gehiago sartzeko zirrikituak ikusten zituztenak ere baziren. Argazkian, Ondarroan egindako Hizkuntz Eskubideen Eguna / © EHE.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun