Pagoa Zuluetaren gertuko lagun batek UKBERRI.NETi jakinarazi bezala, Leioako euskal preso politikoa ostiralean, hilak 11, atera zuten Basauritik. Eta gaua Zuerako (Zaragoza, Espainia) espetxean egin ondoren, herenegun, larunbata, Darocatik (Zaragoza, Espainia) deitu zuen etxera, bertan dagoela esateko. Aipatu kartzela Leioatik 402 kilometrotara dago eta destinoa hori izan daitekeela uste dute hurbilekoek. Gazte leioaztarra azaroaren 11n preso sartu zuten. Espainiako Auzitegi Nazionalaren Penal Aretoko Hirugarren Atalak sei urteko espetxe zigorra ezarri zion Zuluetari. Argazkian, Zulueta espetxeratu zuten egunean Leioan egindako manifestazioa.
Uztailaren 10ean kaleratutako epaian, bera, Ana Itxaso Guemes, Anuntzi Alonso eta Anitz Eskisabeli ETAri laguntza eman izana leporatu zieten Alfonso Guevarak eta beste magistratuek. Hala ere, operazioa muntaia bat zela salatu dute hasieratik Zuluetaren auzokideek. Epaiketa "torturapean lortutako deklarazioetan oinarrituta" zegoela adierazi zuen AAMk.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun