Landak aurreratu duenez, “plan honen helburu nagusiak dira: 14 ekintza bultzatzea behar gehiago eta zailtasun handiagoak dituztenek, batez ere 35 urtez azpiko gazteek, etxe bat errazago lortzeko; eta etxe-salerosketan eragin handiagoa izatea, etxebizitza librearen eta babestuaren arteko aldeak murrizten saiatuz”. Hartara, Eusko Jaurlaritzarekin zein sustatzaile pribatuekin sinatutako hitzarmenen bitartez, etxebizitza kopururik handiena egin gura du Udalak, “hiri-lurzoruetan, bai hiri-aprobetxamendurako utzi direnak, bai erositakoak lortuz". "Halaber, HAPOn aurreikusitako eta jabetza partikularra duten lurzoruen garapen urbanistikoak bultzatu nahi ditugu, babes ofizialeko etxebizitzaren sustatzea jasotzen dutenak, modalitatea edozein izanda ere”, gaineratu du udal agintariak.
Ezinbesteko baldintzak
Etxebizitza horiek, errentan, azalera-eskubidean (gehienez 75 urtez), edo jabetzan emango dira. Oro har, etxebizitza baten beharra duten herritar guztientzat izango badira ere, lehentasuna izango dute honako talde hauek: 35 urte arteko gazteek; adin txikiko umeak beren kargura dituzten familia ugariek; desgaituak diren pertsonek eta beren familiek; 65 urtetik gorakoek eta beren familiek; genero indarkeriaren eta terrorismoaren biktimek; eta gizartean baztertzeko egoera izan edo arriskuan daudenek. Etxebizitza horiek eskuratzeko ezinbesteko baldintzak dira erroldatzea, diru-sarrera nahikoak eta etxebizitza baten beharra. Babes ofizialeko etxebizitzetan Eusko Jaurlaritzaren legedia aplikatuko da eta tasatuetan, berriz, udal ordenantzan jasotakoa.
Hurrengo bosturtekoan babestutako mila etxebizitza inguru eraiki nahi ditu Getxoko Udalak
Getxoko Udalak gutxienez babestutako 150 etxebizitza egingo ditu 2010 eta 2012 urte artean Alango auzoan, Algortan, herriko 35 urtez azpiko gazteei errentan emateko. Hiri-lurzoruan Etxebizitzak egiteko udal Plangintzan jasotako jardunbideetan lehena da. Plana EAJ eta PSE-EE taldeek adostutakoa da eta datozen 5 edo 6 urteetan garatuko da udalerrian, Imanol Landa alkateak gaur aurreratu duenez. Bere hitzetan, “alokairuaren formula egokia da pertsona gazteek etxebizitza bat eduki ahal izateko eta gizartearen eskaera honi erantzuna emateko behar diren baliabide publikoak maximizatzea ahalbidetuko duen etxebizitza parke txandakakoa egokitu aldera”. Planaren jomuga nagusia da gizartearen etxebizitza eskaera ahal den gehien betetzea eta, hartara, babestutako 918 eta 1279 etxebizitza arteko kopurua eraikitzea aurreikusten du, BOE eta etxebizitza tasatuen artean, 50 eta 75 metro koadro erabilgarrikoak, hurrengo bosturtekoan HAPOn jasotako hiri-lurzoruan. Hain zuzen, Alangoz gain, San Nikolas, Zubilleta, Sarrikobaso, Ormaza, Konporte, Iturribarri II eta Benantzio esparruetan ere egingo dira. Argazkian, udalerriko gazteek hainbatetan salatu dute "kale gorrian" daudela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun