Beste hainbat murrizketa Kultur arloan egingo dituzte. Hala ere, udal iturriek diotenez, txikiak izango dira eta Udalak berak antolatutako ekitaldietan baino ez du eraginik izango. Izan ere, kultur eta kirol elkarteek antolatutako ekimenak laguntzen jarraituko dute. Horien artean dira Jesusen Pasio Bizia, Herri Milia, Nekazaritza Azoka, Txakolin Eguna, eta Olentzero zein Errege Magoen kabalgata. "Talde horien parte-hartzea sustatu nahi dugu, kontuan hartzeko esfortzua egiten baitute", zehaztu du Landak.
Horretaz gain, oporraldian haurrei hainbat ekimen egiteko aukera ematen dieten Aste Santuko eta udako egonaldiak bere horretan mantenduko dira. "Ez dugu nahi gurasoak kaltetuak suertatzea, auzotarren artean horren harrera bikaina duen zerbitzua murriztuz", adierazi du Landak. Azpimarratu duenez, "enplegu arloan ere berdin-berdin egingo ditugu ahaleginak 2010ean, laguntzak emanez, plangintza bereziak garatuz eta trebakuntza ikastaroak eskainiz".
Berangoko Udalak inbertsio ahaleginari eta gizarte- zein enplegu-gastuei eutsiko die 2010ean, 7,7 milioi euro azpiko aurrekontuekin, tokiko iturriek jakinarazi dutenez. EAJ eta EAren babesari esker aurrera atera dituzte. Iazko kontuekin alderatuta, %4,3ko jaitsiera suposatzen du horrek. Batez ere, gastu arruntaren %14,60ko beherapenean oinarritu dute aurrezteko ahalegina. Hirigintzan, Santa Anako balio anitzeko eraikina amaitzen egingo dute inbertsio-ahaleginik handiena. Besteak beste, kultur eta kirol elkarteentzako lokalak hartuko ditu horrek. Gastu sozialari dagokionez, horretarako urtero bideratzen duen diru-ekarpena mantenduko du Uribe Kostako Zerbitzu Mankomunitateak. Berango da erakunde hori osatzen duten zazpi udalerrietako bat. Horretaz gain, Espainiako Estatuak E Planaren barruan emandako diruaren %20 erabiliko dute krisiaren eraginak arintzeko. 2010ean, 660.000 euro egokitu zaizkio Berangoko Udalari. "Gastu arruntean gerria estutzea da kontua eta, Gizarte Zerbitzuei dagokionez, auzotarrek krisiaren eraginak nabari ez ditzatela", aipatu du Anabel Landa alkateak. Argazkian, Santa Anako balio anitzeko eraikina altxatzeko lanak / © Berango.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun