Andres Isasi Musika Eskolako bandaren eta getxoztar ikasleen kontzertua izango da gaur Algortan
Lehendabiziko aldiz, udalerriko herri ikastetxeen laguntzaz kontzertu bat antolatu du Areetako Andres Isasi Udal Musika Eskolak. Emanaldia gaur, asteazkena, izango da Algortako Erredentore elizan, 20:00etatik aurrera. Oraingo honetan, 11 eta 50 urte bitarteko ikasleek osatzen duten Andres Isasi zentroko bandak, Romo ikastetxe publikoko eta musika eskolako 60 ikaslek osatutako abesbatzekin batera arituko da; Alfontso Vilak, Maise Cinosek eta Imanol Ormazak zuzenduta, hurrenez hurren. Kantaldia abesbatzek interpretatutako obrekin hasiko da eta, ondoren, bandak herri-abestien eta gabon kanten sorta eskainiko du, “Hator Hator” abestiarekin bukatzeko. Andres Isasi Musika Eskolak udalerriko ikastetxeekin edo elkarte kulturalekin horrelako elkarlanarekin aurrera egitea espero du, "bertoko dinamizazio musikalaren lidergoa hartzeko asmoarekin", tokiko iturriek aipatu dutenez.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun