Horien artean, Gorabide, buru ezintasuna duten pertsonen aldeko Bizkaiko Elkarteari 5.700 euro eman dizkio; Fekoor, ezintasun fisikoko pertsonen aldeko Bizkaiko Federazio Koordinatzaileari 4.500 euro; minbiziaren kontrako elkarteari eta Berdintasuna, etorkin atzerritarren bergizarteratzearen aldeko elkarteari 3.700 euro bana; Gizakia Fundazioari eta Sikap, Filipinetako elkarteari 3.500 euro bana; Avifes, buru gaixoen eta senideen Bizkaiko elkarteari eta Ireki, Elkartasunaren aldeko Gazteen Elkarteari 2.800na euro; Egintza, adin txikikoa babesteko elkarteari 2.700 euro; Aspanovas, minbizia duten umeen gurasoen Bizkaiko elkarteari eta familiaren euskal elkarteari beste 2.500na euro.
Azkenik, tokiko iturrien arabera Udalak "aipatutako diru-laguntzez gain, elkarte laguntzaileekin kolaboratzeko beste bide batzuk ditu martxan, horien artean, udal lokalak uztea". Helburuak dira erakunde laguntzaile guztiak udalerrian egoitza edukitzea bermatzea euren proiektu eta jarduerak aurrera eramateko eta gizarteko boluntario-lana eta elkarteen sarea bultzatzea. Imanol Landa Getxoko alkatearen hitzetan, “guztiek osatzen dute, udal instituzioaren lanaren osagarri diren aldetik, Getxoko gizartearen benetako kemena, eta, hortaz, horiek indartzearen aldeko apustua garbia da”.
Helburuak
Gizarte Zerbitzuen Erakunde Laguntzaileak erakunde publiko zein pribatuak dira, irabaz asmorik gabekoak, eta horien helburu nagusia bat dator Getxoko Udaleko Gizarte Zerbitzuen Arlokoarekin. Beraiekin sinatutako hitzarmenen helburuak dira arazoak konpontzeko gizarte zibilaren parte hartzea bultzatzea; udalerrian dagoen elkarteen sarea bultzatzea; gizarteko boluntario-lana bultzatzea eta Gizarte Zerbitzuen alorreko jardueren garapenera zuzendutako proiektuak diruz laguntzea. Helburuak betetzera laguntzen duten entitateen jarduerak, besteak beste, baztertutako kolektiboak gizarteratzea eta bazterketa prebenitzea, eta minusbalioa edo bestelako arazoak dituzten pertsonen bizi-baldintzak hobetzea dira. Programa horien artean, gaixotasun batzuek kaltetutako pertsonei eta beren senideei norbanako arreta eskaintzea dago; down gaitzak edo adimeneko beste gaixotasun batzuek kaltetutako pertsonei astialdirako ekimenak eskaintzea; boluntarioen topaketak edo hirugarren adinekoentzat eguneko zentroetako jarduerak antolatzea.
Getxoko Udalak aurten Gizarte Zerbitzuekin kolaboratzen duten elkarteei 200.000 euro zuzendu die, lankidetza-hitzarmen eta diru-laguntzen bidez. Lehenengoz, Udalak 2009. urtean zehar bederatzi lankidetza-hitzarmen izenpetu ditu 129.338 eurotako zenbatekoan. Horietatik, buru ezintasunak dituztenen aldeko Uribe Kostako elkarteak 50.000 euro jaso ditu; Ibar Nagusien Etxeak eta Portu Zaharrean aritzen diren Hijas de la Caridad delako mojen elkarteak 18:000 euro bana; Apnabi, autismoak jota daudenen eta senideen elkarteak 12.000 euro; Caritasek 10.000 euro; Fegevol, elkarte boluntarioen Getxoko federazioak 9.000 euro; Bizkel, bizkar muinaren kaltetuen elkarteak 4.738 euro; Down gaitzak jota daudenen aldeko Fundazioak 4.600 euro eta Urte Alaiak 3.000 euro. Bestalde, Udalak 70.000 euro banatu ditu Gizarte Zerbitzuekin kolaboratzen duten 34 elkarteri emandako diru-laguntzetan. Argazkian, hainbat elkartek Imanol Landa alkateak eta Elena Coria zinegotziak ekainean lehenengo 101.338 euro banatu zituzteneko agerraldian.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun