Eskumaldeko LABek zabaldutako oharra:
Beste behin ere Sopelako kaleak garbitzen dituzten langileak mobilizatuko dira ostiral honetan, pairatzen duten soldata diskriminazioa salatzeko eta Cespa eta Udalari erantzukizunak eskatzeko.
Orain dela 3 urte Cespak subrogatu zituen Lantegi Batuetako 13 langile hauek eta hori oso merke ateratzen zaio, beste udalerritako langileei ordaintzen diotenaren erdia baino ez dutelako kobratzen. Zergatik ote? Ezgaitasunak dituztelako? Eta bazterketa honetan ezin dugu ahaztu Sopelako Udala, berak ere egoera honetan etekina ateratzen duelako.
Eta langileek “lan berdina, soldata berdina” aldarrikatzen duten bitartean, Cespak eta Udalak beste albo batera begiratzen dute, eta egoera honi ez diote irtenbiderik ematen.
Manifestazio handia egin nahi badugu guztion parte-hartzea garrantzitsua da, 13 langileek bakarrik ezin dutelako manifestazio dezenterik egin, beraz mesedez ahal duzuen guztiok parte hartu!
Ikusi abenduaren 4ko mobilizazioa, Koska irratiak ekoiztutako bideoan:
Ostiral honetan, abenduak 18, berriro ere egingo dute mobilizazioa Sopelako Udalarentzat lan egiten duten 13 kale-garbitzaileek. Manifestazioan abiatuko dira 13:30ean, udaletxetik. Izan ere, bizi duten "bazterketa bidegabe eta iraingarria" dela eta, pasa den azaroaren 20an mobilizatzeari ekin zioten Sopelako Udalak azpikontratatutako Cespa enpresaren langile horiek. Hiru urte enpresarentzat lan egin ostean, beste udaletan diharduten enpresa bereko beharginek kobratzen dutenaren erdia jasotzen dute hilaren bukaeran eta horren arrazoia minusbaliatuak izatea delakoan daude. Eskumaldeko LABek adierazi duenez, "manifestazio handia egin nahi badugu guztion parte-hartzea garrantzitsua da, 13 langileek bakarrik ezin dutelako manifestazio dezenterik egin, beraz, mesedez ahal duzuen guztiok parte hartu!". Argazkian, Sopelako kale-garbitzaileetako bat / © Sopela.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun