Bien bitartean, Erandioko Udalak beste hainbat jarduera antolatu ditu neska-mutilentzat, Gabonen oporraldiari begira. Besteak beste, Altzagako kiroldegian, puzgarriak, tailerrak, jolasak, simulagailuak eta abar izango dira, abenduren 26tik 30era, sarrera dohainik. Ordutegia, 11:00etatik 14:00etara eta 16:00etatik 19:00etara izango da. Horrekin batera, egun horietan, baina Altzagako azoka zaharrean, antzerki saioak eta dantzaldiak ere egongo dira, 19:30ean. Sarrerak euro batean daude salgai jada, Kultura Sailean eta Astrabuduako Josu Murueta kultur etxean. Urtarrilaren 2tik 5era, baina, Astrabuduako kiroldegira aldatuko dute haurrentzako parkea eta Josu Murueta kultur aretoan egingo dituzte ekitaldiak.
Horrenbestez, honako hauek izango dira ikuskizunak:
Abenduak 26, larunbata
Anemona, Oskola eta Karramarroi: "Harritxu Maritxu! Denboraren makinaren abendura" antzezlan musikala, euskaraz (3-11 urte).
Abenduak 27, igandea
Txalo Produkzioak: "Ali!" antzezlana, euskaraz (5 urtetik gora)
Abenduak 28, astelehena
Kuko, Truko eta Bolenwaider: "Taulara" antzezlana, espainolez (familiarra).
Abenduak 29, asteartea
Eidabe: "Atxikistan" dantzaldia, euskaraz (familiarra).
Urtarrilak 2, larunbata
Eidabe: "Ametsen museoa" antzezlana, euskaraz (6-12 urte).
Urtarrilak 3, igandea
Selvin magoaren ikuskizuna (9 urtetik gora).
Urtarrilak 4, astelehena
Behibi´s: “El viaje de Mur” antzezlana, espainolez (9 urtetik gora).
Gabonak hurbildu ahala, gero eta gehiago pilatzen ari zaio lana Olentzerori. Horren adibide, Erandio udalerrian zehar egingo dituen bueltak. Igande honetan, abenduak 20, Lutxana bisitatuko du ikazkinak, 12:30ean. Hala ere, 11:00etatik 13:00etara, haurrentzako hainbat tailer prestatu ditu Bitxilore aisialdi elkarteak. Bi egun beranduago itzuliko da erandioztarren lurretara jentilak. Ortzi Kirol Elkartea, Arriagako Auzotarren Elkartea eta Kukularra taldearen deiei erantzunez, asteartean, 17:00etan abiatuko da Goiherriko eskoletatik Olentzero. Magdalenako errepidetik jaitsita, 19:00ak aldera helduko da Arriagako eskoletara; eta azkenik, 20:30ean, Altzaga ikastolako frontoian, Kukularran, egingo du geldialdia. Bertan, txokolatada eta umeentzako ikuskizuna izango dira, 19:30ean, eguneko protagonista iritsi baino lehen. Bitartean, Erandio Landan, kantatzera irtengo dira auzoan zehar neska-mutilak, asteazkenean, hilak 23, Goialde Dantza Taldeak antolatutako kalejiran. 18:00etan abiatuko da hori. Bi ordu beranduago, berriz, haurrentzako ikuskizuna izango da. Abenduaren 24an, Gabon egunean, Fanon, Altzagan (18:00etan, Irailaren 23a plazatik abiatuta) eta Astrabuduan (18:30ean, Ignazio Aldekoatik abiatuta) izango dira kalejirak. Argazkian, Uribe Kostako herriak ere bisitatuko ditu Olentzerok, Itzubaltzeta / Romo horien artean.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun