Egindako lanaren emaitza dira eskuratutako sariak: aurten, azkena, irailean Arezzon (Italia). Adituen arabera, munduan ospatzen diren bost lehiaketa hoberenen artean dago Italiakoa. Kantikak, Guido d’Arezzo lehiaketan, gazte mailan, urrezko domina irabazi zuen. Antolakuntzak gonbidatu zuen Leioako abesbatza, nazionalitate ezberdinetako beste 15 talderekin lehiatzeko. Txapelketa horretaz gain, beste hainbatetan ere parte hartu du Kantikak, hala nola, Portugalen, Frantzian, Islandian eta Mexikon. Interpretazio mailan kalitate gorena du, baina, baita eszenaratze mailan ere. Kantika, abesbatzen generoa aberasten duen musika pieza zaharrak berreskuratzeagatik, enkarguz konposatzeagatik eta estreinatzeagatik nabarmentzen da. Era horretara, Eva Ugalderen "Iratxoa" edo Albert Alcarazen "Laminak" enkarguz konposatutako kantuak dira. Leioako koruak John Rutter ingelesaren "Mass f the Children"-en estreinaldian ere parte hartu du.
Egitaraua
2009ko Gabonetako kontzertuan "Gabon gabean" edo "Goazen, goazen, guztiok" bezalako euskal kantu tradizionalak entzun ahal izango dira. Horretaz gain, Jose Ignacio Ansorenak, Garikoitz Mendizabalek eta Gorka Zabaletak abesbatza estiloan eta txisturako moldatu dituzten beste abesti batzuk ere interpretatuko dituzte Bilboko Udal Txistularien Bandak eta Kantikako neska-mutilek. Bai udal banda, bai abesbatza, bakoitza bere zuzendariaren agindupera arituko dira: Garikoitz Mendizabal bera eta Basilio Astulez, hurrenez hurren.
Igande honetan, abenduak 20, denboraldiko bere kontzerturik esperoena eskainiko du Bilboko Txistularien Udal Bandak: Gabonetako kontzertua, alegia. Tradizioari jarraituz, Leioako Kantika Abesbatza osatzen duten berrogei eta hamar neska-mutilekin batera eskainiko du saioa. Aurreko urteetan kontzertu horrek izan duen arrakasta dela eta, Euskalduna Jauregiko A1 aretoan izango da kontzertua, 20:00etan eta sarrera dohainik (edukiera mugatua). 2001ean jaio zen Kantika abesbatza Leioako Udal Kontserbatorioan, Basilio Astulez zuzendariaren ekimenari esker. 1975ean jaio zen Astulez eta Arte Ederretan lizentziatua da. 10 eta 17 urte arteko gazteek musikaz goza dezaten lanean hasi zen eta, hortik, abesbatza leioaztarra jaio zen. Kantikak zenbait disko kaleratu ditu eta Aquiles Machadok eta Maria Bayo sopranoak protagonizatutako ABAO Opera Lagunen Bilboko Elkartearen "La Boheme" ikuskizunean parte hartu du. Argazkian, Kantika abesbatza leioaztarra.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun