Vicrila S.A. Enpresa Batzordeko oharraren itzulpena:
Vicrila S.A. enpresari buruz prentsan agertu diren albisteen aurrean, Enpresa Batzordeak honakoa jakinarazten du:
Atzo, hilaren 17a, enpresaren negozio planari buruzko dokumentazioa jaso genuen lehenengo aldiz. Dokumentazio hori hainbat sindikatutako aholkulariek ikertzen dihardute.
Dokumentazio hori Negozio Proiektuari soilik lotuta dago eta oraindik ez ditu plan osagarria ezta egiazko balorazioa egin ahal izateko beharrezkoak diren beste informazio guztiak ere ukitzen.
Era berean, abenduaren 22rako, Enpresa Batzordea egungo egoera hausnartzeko batzar batera deitu du Eusko Jaurlaritzak eta horrela jakinarazten dugu.
Eusko Jaurlaritzak dagoeneko zuzendaritza taldearekiko bere konpromiso maila publiko egin du. Halere, Enpresa Batzordea kezkatuta dago, langileekiko inplikazioa ez delako maila berean zabaldu, lan talde osoari babesgabetasun sentsazioa eraginez.
Vicrila ez da ordainketa-etendura egoeran dagoen enpresa, ekonomikoki osasuntsu dabilena baino. Hori dela eta, gure ustez, salbamendu egoeran (eta horrek ekarriko lukeen ahalegin ekonomikoa) ez gaude. Horregatik, egoera honetan, Jaurlaritzak lan taldearekiko ardurak bere gain har ditzakeela eta hartu behar dituela ulertzen dugu.
Leioako VIcrila S.A.ko Enpresa Batzordeak Eusko Jaurlaritzari eskatu dio "lan taldearekiko ardurak bere gain" hartzea. Izan ere, enpresan ordezkaritza duten sindikatuak batera agertu eta zuzendaritza taldeak aurkeztutako plangintza baloratu gabe, beren kezka agertu du langileen etorkizunaren inguruan. Izan ere, alde batetik oraindik enpresaren plan osagarriaren eta inguruko beste hainbat faktoreren inguruko informazioa jaso ez dutela zabaldu dute, Negozio Proiektuko dokumentu batzuk atzo jaso zituztela. Beste aldetik, Eusko Jaurlaritzak zuzendaritza taldearekiko konpromiso maila publiko egin badu ere, "langileekiko inplikazioa ez delako maila berean zabaldu, lan talde osoari babesgabetasun sentsazioa eraginez". Hain zuzen ere, Vicrila "ekonomikoki osasuntsu dabilen" enpresa izanik "Jaurlaritzak lan taldearekiko ardurak bere gain har ditzakeela eta hartu behar dituela ulertzen" du Enpresa Batzordeak. Gauzak horrela, asteartean Lakuan izango dute batzarra langileen ordezkariek. Argazkian, Vicrilako langileak, abenduaren 10ean, Txoperan barrena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun