Gaur, larunbatarekin, seigarren azokatxua egingo dute Sopelan, udalerriko Plaza Beltza Kultur Elkarteak antolatuta, goizeko 10etatik aurrera. Hortaz, liburuek eta literaturak hartuko dute frontoiaren kanpoko aldea. Izan ere, Plaza Beltzak sortutako liburutegi herrikoiaren ildoan ez dauden eta hainbat herrikidek eman dizkieten liburuak prezio ezin merkeagoetan salduz, irakurzaletasuna herrian eta eskualdean zabaltdu eta herri liburutegia eta komunikazio-topagunea finantzatu nahi dute. Asmo horrekin orain dela hiru urteko Gabonetan lehenengo "azokatxua" antolatu zuten, "arrakasta handiz" gainera, ehunaka pertsona bertatik igaro eta dozenaka eta dozenaka liburu erosi baitzituzten. Ekitaldi horietan eta txosnetan metatutako diruarekin eta hainbat lagunek jarritako ahaleginari esker, pasa den azaroaren 6an zabaldu zuten herri liburutegia Larrabasterran. Argazkian, herri liburutegian txikienek ere beraien lekua dute. Argazki gehiago ikusteko sakatu hemen.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun