Muruari maiatzean eman zioten gaixotasunaren berri eta azaroan sartu behar izan zen erietxean. Bere kasua gaixotasuna zela onar zezaten borrokatzen ari zen.
Asviamek biktima horientzako gizartearen onarpena eskatu du eta amiantoak sortutako gaixotasun eta heriotza guztiak jakinaraz daitezen aldarrikatu du. Era berean, lanean hartutako gaitzak izatekotan horrela zabaltzea nahi dute: "gaixoari eta senideei gaixotasunaren jatorria eta Osakidetzak Osalani, Gizarte Segurantzari eta Osasun Ikuskaritzari egindako oharra berehala komunikatu behar zaizkie. Horrela legeak ezarritako protokoloa abiatu ahal izango da, lankide aktiboei azterketa medikuak kasu".
Gainera, Murua ez da eskualdean eman den kasu bakarra azken boladan. Esate baterako, Francisco Javier de Castro leioaztarra 2007ko urriaren 11n zendu zen, 63 urte zituela, amiantok hilobira eramanda. Senideek epaitegira jo zuten enpresa eta mutualitate enpresaren aurka.
Josu Murua Cayero 41 urteko gorliztarra zendu zen pasa den ostiralean herri bereko erietxean. Marinel ohia, bere lanbidean amiantoarekin izandako kontaktuak heriotza ekarri zion, pleurako mesotelioma dela kausa. Atzean, zortzi hilabete t'erdiz haurdun dagoen emaztea eta alaba bat, 13 urteko Alazne, utzi ditu. Asviame amiantoak eragindako biktimen euskal elkarteak salatu zuenez, Murua amiantoak hil duen 14. pertsona da. Pasa den abenduaren 7an Josu Muruak "Gara" egunkariari emandako elkarrizketan (espainolez) nabarmendu zuenez, inork ez zion minbizi-sortzailea zen materialari buruz ohartu eta "babesa hutsaren hurrengoa zen". Horregatik uste zuen "enpresaburuek langileen beharraz profitatu" direla. Gainera, Mutualia mutualitate enpresak baja ematerakoan gaixotasun arruntagatik eman zion, lan gaixotasunagatik egin beharrean. Argazkian, LAB sindikatuak Mutualiaren aurka azaroan egindako mobilizazioaren irudi bat.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun