Lehenengo ikerketen arabera, ostiralean izan ziren gertaerak, 18:00ak aldera, anai-arreba biak etxean zeudela. Dirudienez, lapurtzeko asmoz sartu ziren baserrira hainbat ezezagun. Bizilagunei eskuak lotu ere egin zizkieten eta, ondoren, ihes egin zuten; zer edo zer eraman zuten argi ez dagoen arren. Hainbat lekukotasun ere jaso ditu Ertzaintzak eta etxebizitza zein inguruak ikuskatu ditu. Bitartean, bertara hurbildu da Getxoko guardia-epailea, hilotza altxatu eta beharrezko izapide judizialak abiatzeko.
Abuztuan ere lapurreta eta kolpeak
Urdulizko baserri batean lau lapur sartu ziren —haietatik bi adingabeak—, eta dirua eta bitxiak ostu zituzten abuztuaren 17an, Herrizaingo Sailak orduan zabaldu zuenez. Gainera, lapurretaren unean etxean ziren 70 eta 83 urteko anai-arrebei eraso egin eta zauriak eragin zizkieten. Ertzainei deitu zieten haiek, eta Urdulizko erdialdean topatu zituzten ustezko lau lapurrak. Eskuargiak, eskularruak eta dirua zeramatzaten. Lau kideetatik hiru aske utzi zituzten, eta bestea kartzelatu egin zuten.
Urdulizen abuztuan lapurtutako baserri berean sartu eta bizilagunetako bat hil dute
2009ko abe. 21a, 14:53
Urduliz eta Plentzia arteko errepideko baserri batean ezezagunek egindako lapurreta ikertzen ari da Ertzaintza. Bertan bizi ziren adineko bi pertsonetatik, 83 urteko emakumea hilik aurkitu dute eta 70 urteko gizona larriki zaurituta —anai-arrebak dira biak—, Eusko Jaurlaritzaren Herrizaingo Sailak zabaldutakoaren arabera. Dirudienez, ostiral arratsaldean gertatu zen lapurreta: gaur, goizeko 10etan, izan du gertaeraren berri Ertzaintzak, SOS Deiak zerbitzuak abisua jaso ostean. Agudo abiatu dira bertara polizia zein osasun zerbitzuak. Hala ere, emakumezkoaren heriotza egiaztatu baino ezin izan dute egin eta, artatu ostean, Gurutzetako ospitalera eraman dute gizonezkoa. Polizia iturrien arabera, kolpe ugari ditu gizonak eta pronostiko erreserbatukoa da bere egoera. Abuztuaren 17an, lau lagun atxilotu zituen Ertzaintzak, aurreko goizaldean baserri berean ostu eta jabeak jotzea egotzita. Horietatik hiru libre utzi zituzten. Argazkian, Ertzaintzaren hainbat ikertzaile aurreko batean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun