Lehenengo solairuan, erabiltzaileak zuzenean artatzea eskatzen duten zerbitzuetarako bulegoak daude, tartean informazio, orientazio eta aholkularitza zerbitzua, diagnostikoak egitea, diru laguntzak (OE, GLL, AEL), familia eta gazteekin gizarte alorrean esku-hartzeko zerbitzua, etxez etxeko laguntza zerbitzua eta abar. Bere telefono zenbakia 944 660 101 da. Bigarren solairuan, berriz, zuzendaritza taldearen, zinegotziaren, drogamenpekotasuna prebenitzeko, immigrazioko eta gizarte eta hezkuntzako esku hartzeko zerbitzuko teknikarien bulegoak daude.
Erreforma lanak
Erreforma lanak lehenengo eta bigarren solairuetan burutu dituzte, 448 metro koadroko azalera erabilgarrian (224 metro koadro solairu bakoitzeko). Lanen gastua 600.000 eurokoa izan da, tokiko inbertsiorako estatuko fondotik etorritako diruarekin. Horri, altzairuak eta ekipamenduak ipintzeko gastatuko 25.000 euro gehitu behar zaizkio.
Urgull kalean kokatutako Gizarte Zerbitzuen Sailaren egoitza berriak gaurtik aurrera artatuko ditu Algortako zein Neguriko herritarrak. Azken hilabeteotan egin dituzten eraikineko lehenengo eta bigarren solairuen zaharberritze lanak, aurreikusita zegoen epearen barruan amaitu dira, udal iturriek zehaztu dutenez. Tokiz aldatzearekin, orain arte Martikoena eta Foruak kaleetako udal egoitzetan eskaintzen zituzten zerbitzuak Neguriko eta Algortako herritarrengana hurbiltzeaz gain, Getxoko Udala aurrera eramaten ari den eta Gizarte Zerbitzuen Legeak eskatzen duen deszentralizazio eta hurbilpen prozesuan ere aurrera egiten da. "Horrekin batera, 30 langileak zentralizatu ahal izateak zerbitzuaren hobekuntza ekarriko du, baliabideak maximizatzeari esker. Mota honetako egoitzak Gizarte Zerbitzuen Euskal Sistema Publikorako atea izaten dira", azaldu dutenez. Argazkian, Urgull kalean jarri dute Gizarte Zerbitzuen Algortako egoitza.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun