Urtzi Paul Larrearen etxekoek, azkenean, 21:30ean jakin zuten gazte algortarra Indautxuko polizia etxean zeukatela. "Jakinarazi zietenez, Espainiako Auzitegi Nazionaleko komunikazio baten zain zeunden Basauriko espetxera eraman aurretik, epaitegira eramateko", Uribe Kostako Amnistiaren Aldeko Mugimenduak Etengabe bitakoran zehaztu duenez. Atzo arratsaldean atxilotu zuen mutila Espainiako Polizia Nazionalak, Getxon, iaz jarritako 5 urteko espetxe zigorra betearazteko. Gaur bertan, Paulen atxiloketa salatzeko manifestazioa izango da Algortan, 20:00etan Telletxe plazatik abiatuta. Bitartean, Xabier de la Maza gazte gorliztarra Soto del Real espetxean (Madril, Espainia) sartu dutela jakinarazi du Plentzia, Gorliz eta Lemoizko ezker abertzaleak. Mutilari idazteko (Xabier de la Maza Peña / Centro Penitenciario Madrid V / Carretera comarcal 611 / 28791 Soto del Real / Madril) gonbitea ere luzatu dute. Argazkian, Urtzi Paul (mahaian, eskuinean), eta epaitu zituzten gazte guztiek salatu zuten "torturen bidez deklarazioak sinatzera behartu" zituela Ertzaintzak / cc-by-nc Gaztesarea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun